Voordele van Praaglidmaatskap

• Een gratis boek per jaar, asook 20% afslag op alle Praagboeke.

• 'n Gratis e-posadres van die POP-tipe waarvoor internetdiensverskaffers tussen R20 en R50 per maand vra en wat u op u rekenaar of selfoon kan gebruik.

• Goedkoop korttermyn- en ander versekering deur Momentum, 'n filiaal van die First Rand-groep, asook beleggings in al 800 Suid-Afrikaanse effektetrusts via Momentum.

• Toegang tot inligting en deelname aan stimulerende gesprekke op die Praagwebwerf, Praaggeselsforum, Praagposlys, Praagkletskamer, ens.

• En natuurlik het u saam met duisende ander Afrikaanslesende internetreisigers toegang tot www.praag.org, een van die mees besoekte webwerwe in ons taal.

Raak betrokke by PRAAG en word deel van die oplossing!

Verskillende soorte Praaglidmaatskap:

1. Studentelidmaatskap R30 p.m. of R360 p.j.

2. Gewone lidmaatskap R55 p.m. of R660 p.j.

3. Korporatiewe lidmaatskap R700 p.m. of R8 400 p.j.

Nadat u aangesluit het, sal ons u per e-pos kontak om betaling met u te reël, hetsy per maandelikse internetbetaling, hetsy per debietorder.

PRAAG (die Pro-Afrikaanse Aksiegroep) is 'n nie-partypolitieke beweging wat veg vir die voortbestaan van Afrikaans en die Afrikaner in Suid-Afrika. 

Die stryd geskied veral op die volgende gebiede:

1. Taalhandhawing: 

Deur taalaksies, publikasies en openbare debat word Afrikaans gehandhaaf en bevorder.

2. Ideologie en kommunikasie

Moderne kommunikasietegnologie en media is besig om die wêreld en die aard van politiek te verander. Die Afrikaner se oorheersing deur ander groepe in Suid-Afrika geskied ook nie openlik militêr nie, maar word deur middel van ideologie, propaganda, die aanblaas van skuldgevoelens en beheer oor die staatsmedia (SAUK), asook skoolleerplanne, ens. toegepas. Daarom is PRAAG aktief in die afbreek van die heersende staatsideologie met sy verguising van die Afrikaanse taal, kultuur, tradisie en geskiedenis. Ons hou ons besig met die skep van 'n nuwe ideologie wat tot ons bevryding sal lei.

3. Gekoördineerde optrede teen geweldsmisdaad

PRAAG is uiters besorg oor die graad van geweldsmisdaad in die land wat besig is om 'n etniese/rasse-aard aan te neem. In samewerking met ander Afrikaanse organisasies is ons aktief besig om gekoördineerde optrede daarteen te organiseer. Ons is ten gunste van 'n landwye netwerk van buurtwagte, plaaswagte en selfs 'n vorm van diensplig sodat ons gemeenskap teen tierende geweldsmisdaad beskerm kan word.

4. Afrikanereenheid

PRAAG is reeds drie jaar lank besig met inisiatiewe om bestaande Afrikaanse organisasies in een beweging saam te snoer ten einde gekoördineerd teen geweldsmisdaad, naamsveranderings, taaldiskriminasie en verval in infrastruktuur te kan optree. 
Die tyd is nou ryp vir 'n oorkoepelende Afrikanerraad wat namens die Afrikaner kan praat en 'n veilige toekoms vir ons kan beding. Intussen verseker PRAAG dat die stryd op voetsoolvlak voortgesit word.