AFRIKANERRAAD

 

AFRIKANERRAADREFERENDUM PER SMS

Elke Afrikaner móét stem!

DIE REFERENDUMVRAAG: Steun u die stigting van 'n verkose Afrikanerraad deur wie Afrikaners hul regte sal hervestig? Ja of Nee?

As u in Suid-Afrika is, moet u per sms stem, soos in die volgende paragraaf verduidelik word. Indien u u in die buiteland bevind, moet u op die Afrikanerraadwebwerf stem.

Sms "ja" of "nee" aan nommer 38883 met die sleutelwoord "AR" tussen twee spasies en sonder enige aanhalingstekens, kommas, punte of ander leestekens, asook u naam, ID-nommer of geboortedatum. Elke SMS kos R10. L.W. Onthou die steutelwoord "AR" op die boodskap anders gaan die stelsel nie u stem herken nie.

Kry u ook u vriende en familie om te stem! Hierdie is die eerste keer sedert 1994 dat spesifiek Afrikaners die geleentheid kry om hul stem te laat hoor oor hoe hul toekoms daar behoort uit te sien.

WAAROM BEHOORT AFRIKANERS 'N AFRIKANERRAAD TE STIG?

 

Die meeste Afrikaners bekla vandag die gebrek aan leierskap in eie geledere. 'n Demokraties verkose Afrikanerraad skep 'n meganisme om nuwe leierskap na vore te bring wat deur openbare debat en 'n nuwe visie die apatie en moedeloosheid op grondvlak kan teenwerk. So 'n Raad kan die bedingingsmag van die Afrikanergemeenskap uitbou en as demokraties verkose verteenwoordigers optree, sowel teenoor die Suid-Afrikaanse regering as teenoor die buiteland. Die volgende kwessies kan op 'n konkrete wyse deur die Raad aangespreek word deur beleid te formuleer, maar ook huidige reaksies van Afrikaners daarteen te koördineer en te inspireer:

 

-          Agteruitgang van Afrikaans en Afrikaanse instellings

-          Diskriminerende wetgewing in die vorm van regstellende aksie en swart bemagtiging

-     Chauvinistiese naamsveranderings

-          Verarming van Afrikaners

-          Geweld teen boere

-          Grondhervorming

-          Ongebreidelde misdaad

-          Taaldiskriminasie

-          Grootskaalse emigrasie

 

WIE IS DIE LEDE VAN DIE HUIDIGE TUSSENTYDSE AFRIKANERRAAD?

 

Dan Roodt

Jaap Kelder

Marthie Richter

Lydia van Eeden

Andries Lombaard

Louis Lagrange

Piet Kotzé

Piet Liebenberg

Ivan Martins

Tim van der Westhuizen

Jaco Strauss

Ernie Fabel

Pol Doussy

Albert Smook

Annette Kenneally

Gideon Meiring

Henk van de Graaf

 

WAARVOOR STAAN DIE TUSSENTYDSE AFRIKANERRAAD?

 

Die Tussentydse Afrikanerraad poog om Afrikaners saam te snoer ten einde vraagstukke aan te spreek wat die Afrikanergemeenskap spesifiek raak. Die Raad is nie betrokke by partypolitieke organisasies nie. Die hoofdoelwit van die huidige lede is om so gou moontlik 'n demokraties verkose raad daar te stel wat die Afrikanergemeenskap sal verteenwoordig.

 

KONTAKBESONDERHEDE

 

Indien u meer wil weet, finansiële skenkings wil maak of betrokke wil raak, raadpleeg gerus die webwerf http://www.afrikanerraad.org.

 

REFERENDUM

 

Vanaf 12 Mei tot 30 Junie 2005 word 'n referendum gehou waarvan die vraag soos volg lui:

 

Steun u die stigting van 'n verkose Afrikanerraad deur wie Afrikaners hul regte sal hervestig?

 

SMS "ja" of "nee" aan 38883, tesame met die sleutelwoord "AR", u naam, ID-nommer of geboortedatum.

 

Die referendum word deur 'n onafhanklike ouditeur geoudit om te verseker dat dit deursigtig en eerlik geskied. Dit is die eerste keer dat selfoontegnologie vir 'n grootskaalse volkstemming van dié aard in die land gebruik word. Daar is op dié medium besluit omdat die meeste Afrikaners toegang tot selfone, hetsy hul eie, hetsy dié van 'n familielid, het. Elke SMS kos R10, wat ook pogings om die uitslag te manipuleer, sal fnuik.