SAMEWERKINGSOOREENKOMS
Aangegaan
tussen:
Die
AFRIKANER ALLIANSIE, 'n behoorlik gekonstitueerde organisasie
met 'n grondwet, simbole, gesagstrukture en toekomsvisie, en
grondwetlike bepalinge in sake die aangaan van Nasionale
Alliansies
hierna
AFRIAL genoem en
die
PRO-AFRIKAANSE AKSIEGROEP, 'n behoorlik gekonstitueerde
kultuurorganisasie
wat
die handhawing van Afrikanerbelange, veral Afrikaanse
taalbelange, wil bevorder,
hierna
PRAAG genoem
en
gesamentlik na verwys as die PARTYE.
Nademaal
AFRIAL en PRAAG dieselfde toekomsvisie van 'n individueel
verkose Verteenwoordigende Afrikanerraad deel en
nademaal
AFRIAL homself reeds deur sy grondwet gekonstitueer het as 'n
raad wat Afrikanerbelange verteenwoordig en nademaal PRAAG reeds
sy gewig agter 'n Tussentydse Afrikanerraad (TAR) ingegooi het,
wat in September 2004 deur die Konfederale Afrikanerforum (KAF)
in die lewe geroep is en
nademaal
albei die PARTYE op die bogenoemde wyses daarna streef om 'n
volksverteenwoordigende Afrikanerraad daar te stel en albei die
PARTYE van mening is dat dit sinneloos is om hul pogings te
dupliseer en derhalwe deur middel van hierdie KONFEDERALE
SAMEWERKINGSOOREENKOMS, hul kragte wil saamsnoer, maar
aangesien
albei die PARTYE begerig is om hul onderskeie identiteite en
interne selfbeskikking te behou en as afsonderlike organisasies
voort te bestaan en
nademaal
die PARTYE bereid en begerig is om óók met ander
Afrikaner-organisasies wat die bogenoemde ideaal van 'n verkose
Volksverteenwoordigende Afrikanerraad deel, saam te werk,
verklaar
AFRIAL EN PRAAG nou soos volg:
1.
Om as verskillende organisasies, onafhanklik van mekaar en met
behoud van eie identiteite en interne selfbeskikking, voort te
bestaan, maar om kragte saam te snoer ten einde 'n verkose
Volksverteenwoordigende Afrikanerraad so spoedig moontlik en met
die medewerking van so veel as moontlik ander
Afrikanerorganisasies wat hierdie ideaal deel, tot stand te
bring.
2.
Om, wanneer 'n Volksverteenwoordigende Afrikanerraad tot stand
gekom het, AFRIAL en PRAAG, met behoud van eie identiteit en
interne selfbeskikking, elk na eie keuse en op eie wyse,
ondersteunend tot die bogenoemde Afrikanerraad, sal optree en
ander betrokke Afrikanerorganisasies sal aanmoedig om dieselfde
te doen.
3.
Dat PRAAG, as aktiewe lid van die TAR die Konfederale
Afrikanerforum(KAF) sal versoek om so spoedig moontlik, 'n
openbare vergadering in die OU RAADSAAL te reël en dat die
Partye tot hierdie ooreenkoms alle tersaaklike
Afrikanerorganisasies sal aanmoedig en uitnooi om die genoemde
vergadering by te woon, ten einde die TUSSENTYDSE AFRIKANERRAAD
(TAR), as gesamentlike aksie voort te sit.
4.
Dat die TAR versoek word om, in
die lig van hierdie ooreenkoms te herstruktureer en om as
gesamentlike aksie van alle partye tot hierdie ooreenkoms op die
basis van gelyke aandeel in die proses, die proses,
wat tot die verwesenliking van die ideaal van 'n
VOLKSVERTEENWOORDIGENDE AFRIKANERRAAD moet lei, sal rig en
bestuur in deurlopende konsultasie met al die partye wat by
hierdie ooreenkoms betrokke is en hierna betrokke mag raak.
5.
Dat die genoemde Konfederale Werkkomitee die volgende
handelinge sal verrig:
5.1
'n Gesamentlike verklaring sal uitreik waarin hierdie bilaterale
samewerkingsooreenkoms bekend gemaak sal word, ten einde die
behoefte aan samewerking ter bereiking van die ideaal van 'n
verkose Afrikanerraad, in volksgeledere te beklemtoon; en
5.2
voelers na ander tersaaklike Afrikanerorganisasies sal uitsteek
met die oog op die verbreding van hierdie bilaterale
samewerkingsooreenkoms tussen AFRIAL en PRAAG, tot 'n
multilaterale ooreenkoms waaraan die grootste moontlike aantal
Afrikanerorganisasies deel kan hê.
