Geskiedenis
sal oor "verraaiers" oordeel
Na
aanleiding van u besluit om my aan Praag se skandpaal te hang, net
die volgende:
Ek
beskou dit as 'n eer om aan enige skandpaal van Praag te hang. Ek
verwerp egter u motivering. Dis lasterlik om te sê dat "ek
my nie meer as 'n Afrikaner beskou nie". Dis egter te
betwyfel of u siening van wat 'n Afrikaner is en myne ooreen sal
stem.
U
obsessie oor die ANC is verbysterend. Dit geld ook vir u onkunde. Ek
onthou nog te goed die felheid van die haat teeoor ons van
"Afrikaners" soos u toe ons in 1992 by die ANC
aangesluit het.
Ek
was destyds oortuig dat ek die regte besluit geneem het en ek glo
vandag soveel te meer dat ek reg was. U skel
"Afrikaners" by die ANC uit as "verraaiers".
Is Mnre. Gert Oosthuizen, Piere-Jean Gerber, Johnny de Lange,
Gerhard Koornhof en Marthinus van Schalkwyk ook verraaiers?
Of mev. Melanie Verwoerd of Annelise van Wyk?
Nee
dr. Roodt, skeldtaal sal nie van ons slegter Afrikaners maak nie.
Eendag
wanneer die geskienis sy oordeel oor ons fel, sal daar beslis word
wie was reg en wie was die verraaiers.
boontoe
