Mbeki praat
die Kolonialis se taal
Anton,
Ek lees ook in MBeki se boodskap dat hy praat van
Kitchener se Scorched Earth Policy en die Boere-oorlog se
Konsentrasiekampe as deel van Kolonialisme.
Met ander woorde, hy se dat Boere ook gekoloniseer
is.
Met die deel van sy toespraak gee hy natuurlik
voor dat hy meer vir Boere en Afrikaners omgee as slagoffers van die
Britte.
Maar dan doen hy dit in die taal van die
kolonialis, en vereis hy en sy regering dat Afrikaners in 'n Engelse
omgewing moet leef, waar Afrikaans weer 'n kombuistaal is, en alle
Afrikaanse Instellings in Engelse Instellings verander. Verder doen
sy regering ook alles in Engels, en sy ministers praat net Engels
met die Suid-Afrikaanse bevolking. Hy kan nie 'n groter kompliment
aan die koloniste, wat hy nou kwansuis so verafsku, gee nie, as om
hulle taal en kultuur aan te neem en te bevorder as "eg Suid
Afrikaans".
Verder besef hy skynbaar nie dat as dit nie vir
Kitchener en kolonialisme was nie, dan het hy nie vandag oor
Afrikaners geregeer nie.
Buks van Rensburg
boontoe
