Mbeki se
"Koue Oorlog"-rede was goed
Mbeki se "Koue
Oorlog"-rede was nou `n politieke
toespraak van gehalte, al was dit dan in `n koloniale Eurosentriese
taal. Dit dui daarop: taal is toevallig en nie op sigself die alfa
en omega in politiek nie. As die koloniale mag in Suid-Afrika Frans
was, het President Mbeki in die lieflikste Frans gepraat. As
Afrikaans die taal van `n koloniale mag in Suid-Afrika was, dan sou
President Mbeki in Afrikaans gepraat het.
Belangriker as die Germaanse of
Westerse taal, is President Mbeki se politieke instinkte as Afrikaan.
Hy klink soos die Napoleon van Afrika. Eenheid soos ons weet maak
Mag, daarom ook sy klem op Unity in Diversity, met die dekselse
verdelende diversity - en dit is President Mbeki se punt - in Afrika
dan eintlik die skuld van die koloniale verlede.
Todat daardie diversity nie
verdwyn nie, bly die vraag altoos in sy gemoed: hoe kan Eenheid, dit
is Politieke Mag, verseker word? Hy sien al die politieke spanninge,
veral in Suid-Afrika wat erger nog as deur kolonialisme, beïnvloed
is deur 'n vreemde inheemse Westerse Mag - die Afrikaner -
duideliker as omtrent alle blanke "politici", en hy
verstaan die potensiaal om sy Eenheid en Mag te ondermyn so lank as
wat die moontlikheid van oorlog bestaan.
Hy besef dat verdeeldheid op die
basis van Ras, Kleur, Kultuur en Godsdiens verskriklik diep is, en
die tipe verdeeldheid in Afrika is alles die gevolge van
Kolonialisme – daar slaan President Mbeki die spyker op die kop.
Europeërs (Ras), Blankes (Kleur), Eurosentrisme (Kultuur) en
Christendom en Islam (Godsdiens) veroorsaak so `n diepe diversiteit
in Afrika, dat Eenheid en dus Politieke Mag - totdat die verskille
nie meer bestaan nie - nooit vertrou kan word nie.
President Mbeki is daarin 100%
korrek. Die politieke eenheid van die Europese Unie is in
vergelyking met Afrika natuurlik: een ras, een kleur, een Hoë
Kultuur (in die rasionalistiese non-kultuur beskawingsfase), een
godsdiens (rasionalistiese sekularisme). Oor die verskillende tale
en nasionaliteite in moderne Europa sê die Europolitici: UNITING in
Diversity, met diversity dan die aanvaarding van die geskiedenis en
berusting in vrede daarby. Dit is iets anders as President Mbeki se
diep onsekere kunsmatige Unity in totale Diversity: Afrika versus
Europa, of in die geval van Soedan: die vervloë Arabiese Hoë
Kultuur en sy historiese Imperialisme.
Die Afrikanerpolitiek van die TAR
gaan President Mbeki se ergste vrese bewaarheid en hom diep ontstel.
Mense, julle moet weet waarmee julle besig is, mooi dink en
versigtig wees. Bid dat julle politieke insig sal verkry. Ons kan
bly wees Daniël het bogemiddelde verstand en instink. Enige man van
mindere gehalte gaan opeindig in 'n NSA tronk so seker as wat die
Boeremag daarin gelei is.
Groete Jacob
boontoe
