Vreemde
stilswye van Afrikaanse pers oor Frankryk
Geselsforum:
Frankryk en die Derde Wêreldoorlog
Ek vind dit
absoluut verbasend en ongewoon dat Afrikaanse koerante niks, maar
niks, oor die onlusse in Frankryk skryf nie. Ek gee toe dat dit
Afrikaners nie direk raak nie, en dat dit dalk verdelend in Suid
Afrika kan wees, omdat die Franse onluste definitief te gaan oor
identiteit, etnisiteit, rassediskriminasie, en dies meer.
Op die
internasionale vlak is die gebeure in Frankryk egter van dieselfde
belang as wat 11 September 2001 was. Die onluste verander die hele
basiese verhouding tussen Europeers, en hulle met minderhede.
Europa, wat nog altyd etniese demokrasiee was, kan slegs oorleef in
'n baie veranderde vorm as liberale demokrasieë. In dié opsig
beteken dit dat Hollanders, Franse, Duitsers, Engelse, Spanjaarde en
Italianers, ens., die "etniese" karakter van hulle
samelewings moet versaak of moet skei van die regeringsfunksies, en
fundamenteel moet aanvaar dat hulle minder Hollands, Frans, Sweeds,
Duits en dies meer gaan wees.
Die Franse,
terloops, leef al baie lank onder die illusie dat hulle 'n
"republiek" is, met burgers wat sekere regte het, ongeag
verkleur, etnisiteit en dies meer. Dit is natuurlik heeltemal
verkeerd. Frankryk is steeds etnies Frans, en as jy nie opreg Frans
is nie, dan is jy 'n tweede klas burger. Dieselfde geld vir die
ander Europese demokrasiee. Frankryk kan slegs uit die huidige
penarie kom deur die "Franse" deel van hulle identiteit te
versaak. In daardie opsig sal hulle moet aanvaar dat Frankryk dalk
kan oorskakel in 'n Moslem staat, eerder as 'n Christelike staat, en
dat Frankryk anders georiënteer sal wees - 'n ander land met 'n
ander etos en verbintenis, as wat dit histories gehad het.
In Noord-Amerika,
en ek is doodseker, ook in Europa, oorheers die onluste die pers.
Daar is baie angs oor demografiese verval en die onrus en ekonomiese
onwrigting wat dit kan veroorsaak (daar is artikels oor demografie,
en veral die veranderede demografie in Europa word in omtrent elke
uitgawe van bekende tydskrifte behandel en bespreek).
En die Afrikaanse
pers se reaksie oor wat miskien die grootste storie van 2005 is, is
net stilswye. (Die ander groot storie is dat die Amerikaanse
resolusie in die Irakoorlog besig is om 'n paar krake te begin wys).
Merkwaardig.
Buks van Rensburg
Antwoord op dié
brief deur 'n epos te stuur aan: inlig@praag.org
boontoe
