Moslem-Frankryk
is wiskundig moontlik
Geselsforum:
Frankryk en die Derde Wêreldoorlog
Moslems het na Frankryk gemigreer
vanaf 'n hele paar gebiede.
Eerstens het 'n groot aantal
Algerynse Moslems (wat mens seker as "Arabies" kan
beskryf) twee geslagte terug (1950s) in Frankryk aangeland.
Ironies genoeg was die migrante "pro-Frans" en het
Frankryk verkies bo Algerie, wat op daardie stadium eers bloedig
vir onafhanklikheid geveg het, en toe onhanklik van Frankryk
geword het. Die (Moslem) nageslag van die migrante is nou al derde
geslag, en steeds nie geïntegreer nie.
Tweedens was (is) daar migrasie
vanaf Frankryk se eks-kolonies in Wes-Afrika. Die migrante is
swart Moslems, en hulle kom vanaf die Ivoorkus, Kameroen, Mali en
Senegal. Omdat hulle beide swart en Moslem is, is hulle steeds
(selfs na twee of drie geslagte) gemarginaliseerd in Frankryk.
Daar is baie miljoene swart Moslems in Noord en Wes-Afrika, in
lande soos Nigerie, Ivoorkus, Ethiopie, Somalie, Senegal en so
voorts het baie groot Moslem bevolkings.
Frankryk (of eerder Franse
leiers) was van die grootste skynheiliges gedurende die 1980s, toe
hulle baie sedig aan Afrikaners oor rassisme en dies meer gepreek
het. Frankryk was ook een van die eerste lande (lank voor
Brittanje en selfs voor Holland) wat sanksies teen Suid Afrika
ingestel en ondersteun het. Dit terwyl hulle blind was vir die
opsigtelike rassisme in hulle eie land.
Demografiese realiteite bepaal
die toekoms, en die Franse sal 'n deel van hulle Franse siele moet
versaak en fundamenteel moet verander om 'n geïntegreerde land te
bou. Soos ek vroeër opgemerk het, is 'n Moslem-Frankryk erens in
die toekoms nie onmoontlik nie. Die eksponensiële wette
onderliggend aan bevolkingsgroei en afname maak dit 'n baie
interessante moontlikheid. Vyf miljoen kan 20 of 50 miljoen word
binne 40 tot 80 jaar, en 50 miljoen kan tot 10 miljoen daal in
dieselfde tydperk.
Terloops, ek merk op dat Beeld 'n
"In
diepte"-artikel oor die Franse onluste geplaas
het. Dis laat, maar seker eerder laat as nooit.
Buks van Rensburg
Antwoord op dié
brief deur 'n epos te stuur aan: inlig@praag.org
boontoe
