Ek koop liewer
kougom as Rapport
Chris Louw se
brief: "Is Rapport, te bang, lui of maar net pateties" het
betrekking.
Myns insiens het
dinge nog nie juis verbeter nie. Verlede jaar het die huidige
redakteur my oortuig om die "koerant" nie weer te koop
nie. Hy het meer aandag gegee aan promosie-dekking vir 'n peperduur
produk wat bemark word deur 'n onderneming wat gekoppel word aan 'n
oud-joernalis en haar familie, as aan navorsing wat daarop dui dat
die publiek 'n soortgelyke produk baie, baie goedkoper kan bekom.
Boonop is my kontakdetails aan die onderneming deurgegee, sodat
hulle my tydig en ontydig lastig geval het met belaglike ou
dreigementjies dat ek hulle nogal om verskoning sou moes vra, want
hulle produk se verkope sou benadeel word. Toe ek aan hulle
verduidelik dat ek graag "my dag in die hof sou wou he",
het hulle vinnig die aftog geblaas. Nogtans het die redakteur hulle
- en nie vir my ook nie - die kans gegee om weereens promosie te
doen - nogal met 'n foto by! Dit het my laat besluit dat die
"koerant" hopeloos te min bied vir iemand met onafhanklike
denke wat nie deur elke uitvindself beindruk word nie. Ek bestee my
geld liewer aan kougom. Dis net jammer dat 'n blad wat homself
voorhou as 'n opbouer van Afrikaans, daarmee wegkom.
Dr Elma Ross
Antwoord op dié
brief deur 'n epos te stuur aan: inlig@praag.org
boontoe
