Sewe vrae aan
prof. Chris Brink
Geagte prof.
Brink,
Ek merk dat u in
u Engelstalige werk oor die taaldebat rondom Stellenbosch (No
lesser place) my in ‘n voetnoot as ‘n “ekstremis”
beskryf. In die lig van die feit dat u universiteit reeds ‘n
postume eredoktoraat aan Braam Fischer toegeken het, moet ek sê dat
ek ietwat uit die veld geslaan is. Fischer het ‘n veldtog van
gewelddadige opstand teen die destydse SA regering gevoer, waaronder
terreuraanvalle op burgerlikes soos die Johannesburgse stasiebom
inbegrepe was, en wou ‘n kommunistiese revolusie ná die
Sowjet-model in die land instel. Volgens kenners het kommunisme in
die twintigste eeu regstreeks tot die dood van 100 miljoen mense
gelei deur massamoorde, strafkampe, psigiatriese behandeling vir
dissidente, hongersnode en dergelike meer.
Hoewel ek reeds
‘n rubriek
oor u onlangse toevoeging tot die Engels-Suid-Afrikaanse literatuur
geskryf het, sou ek graag meer breedvoerig op u argumente wou
ingaan. Op die gevaar af dat ek u sou misverstaan aangesien u vanuit
die multikulturele paradigma skryf wat nie noodwendig vir ‘n
gewone Westers-georiënteerde Afrikaner-sterfling soos ek toeganklik
is nie, wil ek graag hê dat u op onderstaande vrae sou antwoord,
indien dit u behaag.
Vraag 1:
Wat is, volgens u definisie, ‘n “ekstremis”?
Vraag 2: U
sê self in u boek dat Stellenbosch tans grotendeels swart studente
trek wat weens gebrekkige potensiaal by Engelstalige universiteite
weggewys word. Beoog u dus om standaarde by Stellenbosch te verlaag
sodat u die universiteit “meer divers” kan maak?
Vraag 3:
In die VSA en ook by Tukkies se mediese skool word blanke studente
met goeie punte dikwels weggewys omdat hul kwota “reeds vol” is
en swart studente met laer punte word in hul plek toegelaat.
Voorsien u dat Stellenbosch in sy strewe na “diversiteit” kwotas
gaan invoer waardeur blanke studente en veral blanke Afrikaanse
studente benadeel gaan word sover dit toelatings betref?
Vraag 4:
Prof. Barney Pityana het onlangs by ‘n regeringskonferensie wat
ook deur die minister van onderwys bygewoon is, verklaar dat
universiteite “getransformeer” gaan word om meer
Afrika-wetenskap, -kultuur en –filosofie te doseer. Kennelik staan
u self as multikulturalis erg krities jeens die Westerse tradisie
van wetenskapsbeoefening, dit wil sê kennis wat in die verlede deur
“blanke mans” geproduseer is. Daarom: Gaan Stellenbosch ook
verafrikaniseer word sover dit akademiese kursusse betref?
Vraag 5:
Verlede jaar is ek toegang tot die Stellenbosse kampus ontsê of
liewer ‘n aantal van u dosente wou my toegang tot die hele dorp
ontsê omdat ek oor ‘n liefdesroman wat in Parys afspeel in ‘n
boekwinkel wou kom praat. In u boek verwys u ook na my
“onsmaaklike sienings” wat sensuur noodsaak en waarvan die
universiteit hom “distansieer”. Watter “sienings” sou dit
wees?
Vraag 6:
Een van die punte van kritiek wat in die VSA teen linksgesinde
blankes en voorstanders van “diversiteit” soos u geopper word,
is dat hulle in die openbaar “diversiteit” en ‘n voorkeur vir
swart vriende en swart kultuur bely, maar die eerste is wat wegtrek
as swartes in hul buurt kom woon en hul kinders insgelyks na
oorwegend blanke skole in oorwegend blanke buurte stuur. Volgens die
voorwoord in u boek het u self skoolgaande kinders wat reeds – so
neem ek aan - aan die voortreflikhede van “diversiteit” (en dus
ook “kwaliteit”, volgens u eie argument) tussen ‘n meerderheid
swart kinders blootgestel word. Daarom dus my logiese vraag, prof.
Brink, in watter oorwegend swart skool in watter oorwegend swart
buurt ontvang u kinders tans onderrig?
Vraag 7:
Samehangend met vraag 6, wil dit voorkom asof u en ‘n aantal
“progressiewe”, “post-Afrikaner”-dosente sou verkies om aan
die onaangenaamheid van klasse vol blanke Afrikaanssprekende
studente te ontkom deur die transformasie van Stellenbosch tot ‘n
meerderheid swart en dus “diverse” kampus. Daar bestaan egter
‘n hele aantal sulke kampusse in die land en ook elders op ons
kontinent. Daarom is my laaste vraag: hoeveel lede van u
dosentekorps wat tans “diversiteit” bepleit, bedank jaarliks by
Stellenbosch en doen aansoek om poste by oorwegend swart kampusse in
Suid-Afrika of elders op die kontinent?
By voorbaat dank
vir u antwoorde.
Die uwe,
Dr. Dan Roodt
Antwoord op dié
brief deur 'n epos te stuur aan: inlig@praag.org
boontoe
