Wat van die
Moffia?
As
daar een verbasende aspek van die Laurie Gaum-herrie is, is dit hoe
die meeste briewe en kommentare in koerante 'n ultraliberale
standpunt ten gunste van die gay predikant inneem. Vandag se Rapport
het selfs 'n volbladonderhoud met Gaum waarin hy as 'n onskuldige
slagoffer van heteroseksuele wreedheid voorgestel word. Die Burger
het tot 'n vlak van oordrywing gedaal waar die voorwaardelike
skorsing van Gaum deur die Ring van Kaap van Goeie Hoop met openbare
teregstellings gelyk gestel word! Ene Pieter Oberholzer skryf in
gister se Burger onder die opskrif (bid jou dit aan) Hoeveel
lyke wil julle nog sien voordat julle verander:
"Hierdie veroordelende en liefdelose daad is niks minder as
geestelike moord nie. Dit herinner my aan die twee jong Iranse seuns
wat op 19 Julie in die openbaar in Iran tereggestel is omdat hulle
gay is. Mahmoud Asgari, 16 jaar oud, en Ayaz Marhoni, 17 jaar oud,
is volgens menseregtegroepe deel van die meer as 4 000 gay mense wat
die afgelope 25 jaar in Iran deur die fundamentalistiese Islamitiese
regering vermoor is. Ná die uitspraak oor Laurie moet die NG Kerk
nou sê: Wat maak hom anders as die Iranse regering?"
Die Burger het selfs 'n foto van die openbare teregstelling in Iran
geplaas, om die parallel met Laurie Gaum grafies te maak! (Sien
hieronder.)
Hierdie
styl van oordrywing is tipies van die ekstremisme wat ná 1994 van
oorsee af na die land oorgewaai het. Te oordeel aan wat mens in die
Afrikaanse koerante lees, is die meeste mense en selfs predikante in
die land gay en is hierdie feit tot dusver net van ons weerhou deur
enkele ou heteroseksuele fossiele in die NG Kerk wat nog Die Bybel
lees en dit boonop nie volgens die ANC se grondwet interpreteer nie.
Nou het 'n joernalisvriend in my oor gefluister dat daar blykbaar 'n
ongeskrewe beleid in ons perswese posgevat het dat soveel gays
moontlik, sowel manlik as vroulik, as joernaliste aangestel moet
word. Dit werk glo so: gay persone behoort tot 'n gefrustreerde
minderheid en koester reeds 'n wrok teen veral heteroseksuele blanke
mans. Hulle leen hulself dus geredelik tot die propagadaveldtog wat
daar teen die laaste oorblyfsels van die Afrikanervolk gevoer moet
word. Oorwegend verkeer hulle aan die linkerkant van die politieke
spektrum, ondersteun die ANC of SAKP, en omdat hulle reeds die
nie-gay meerderheid verafsku, neem hulle met oorgawe deel aan sowel
die staat as Groot Besigheid se wens om alle reste van
Afrikanerskap, Afrikanerwaardes, die Calvinistiese godsdienssiening,
Afrikanerkultuur en, ja ook, die Afrikaanse taal, finaal te begrawe.
Tel maar ook gerus hoeveel gays te vinde is onder die sepiesterre,
in die letterkunde, aan die universiteite, by die SABC, ens., en jy
kom onder die indruk dat bewerings van 'n "Moffia" nie so
vergesog is nie.
Waarom word Marlene van Niekerk so opgehemel en ontvang sy die
maksimum publisiteit vir haar boeke wat veral die heteroseksuele
Afrikaner as 'n soort swaksinnige aftakel of op wit skuld inspeel?
Indien sy nie gay was nie, sou sy nog soveel aansien geniet het?
Interessant is dat tydens die Braam Fischer-debakel, 'n lesbiese
student aan Stellenbosch, Yvonne Malan, insgelyks die voortou geneem
het. Ook tydens die meer onlangse (mislukte) veldtog teen Dan Roodt
se deelname aan die Woordfees, het sowel Yvonne Malan as Marlene van
Niekerk 'n leidende rol gespeel.
Maar benewens die Moffia, is daar nog dieper sosiobiologiese
kwessies rondom die skielike opwelling in simpatie vir ds. Laurie
Gaum, hoe Moffia-georkestreer daardie simpatie ook al mag wees. Dit
bevestig naamlik die toestand van oorheersing waarin ons verkeer.
Die model van manlikheid in die land is die swart, viriele, Xhosa-
of Zoeloeman wat regeer en toegang tot die maksimum aantal vroue
het. Kyk nou maar na Jacob Zuma met sy vier vroue, wat tot onlangs
ons adjunk-president was. Max du Preez het enkele jare gelede bekend
gemaak dat Mbeki self 'n rokjagter van formaat sou wees.
In primaatsamelewings soos onder die sjimpansees word die minder
suksesvolle en aggressiewe mannetjies uit die trop uitgeskuif,
waarna hulle sogenaamde "vrygeselbendes" vorm. Omdat hulle
geen toegang tot die wyfies het nie, daal hul testosteroonvlakke tot
op vlakke waar homoseksuele gedrag begin intree. Pleks van die
gewone aggressie en mededinging wat verhoudings tussen mannetjies
kenmerk, begin hulle tekens van onderlinge aangetrokkenheid
openbaar. Sulke vrygeselsjimpansees is bekend daarvoor dat hulle óf
self mastubeer, óf mekaar masturbeer. Daar is 'n teorie dat sulke
masturbasie juis plaasvind om die afskeiding van testosteroon te
stimuleer vir geval hulle weer 'n kans by die wyfies sou kry ná 'n
geveg met een van die huidige alfamannetjies. Hoe dit ook al, sy by
primaatmannetjies is homoseksuele gedrag dus tipies van
"verloorders".
Daar is selfs studies wat beweer dat vroue wat in oorloë verkrag
word vanweë die angs en vrees wat daarmee gepaard gaan, agterna 'n
hoër aantal seuns baar wat geneig sou wees om homoseksueel te wees.
As ons dink hoeveel Afrikanervroue sedert 1994 verkrag of seksueel
aangerand is tydens die huidige misdaadvlaag, asook die vrees vir
geweld waarmee meeste vroue saamleef, dan begin dit sin maak dat ons
vroue ook toenemend gay-seuns gaan begin baar. Ook by manlike
sportspanne wat verloor het, daal die testosteroonvlakke na 'n
wedstryd terwyl dié van die wenners weer styg en hulle meer
aggressief, selfvoldaan en viriel voel.
As ek dus so na die Laurie Gaum-debakel kyk, dan is dit vir my
tekenend van verloordergedrag. Die meeste briefskrywers in Die
Burger en op LitNet is besig om vroulike eienskappe soos liefde,
sorg, verdraagsaamheid, sagte emosies, ens., te beklemtoon terwyl
tipies manlike attribute soos aggressie, mededingendheid,
viriliteit, maar ook wetmatigheid (die fameuse Vaderlike Wet waarvan
Freud praat) afgewys word. Die konstante aanvalle op die kleiner
wordende groep Afrikanermans wat nog hier en daar tekens van
viriliteit, vaderlikheid, mededingendheid of aggressiwiteit wil hê
dat sulke eienskappe met wortel en tak uitgeroei moet word. Praat
van "die kastrasie van die blanke Afrikaanse man"!
Alles in ag genome, sien ek dus die werkinge van sowel die Moffia as
die Afrikaner se verloorderstatus in die huidige bestel.
Die vraag is nou of meer viriele Afrikanermans na vore kan tree om
ons uit dié moeras te lei en weer die meer vrugbare model van
heteroseksuele voortplanting kan begin propageer.
Wat ons ook al oor gay-seksualiteit mag dink, dit is letterlik
onvrugbaar. Enige samelewing waarin dit die norm word, móét per
definisie uitsterf. Hopelik slaag die Moffia nie daarin om dit tot
norm vir die Afrikaner te verhef nie.
Markus
Sadie
Wil
u hierop reageer? Klik op die skakel na ons geselsforum
waar 'n debat hieroor aan die gang is.
boontoe
