PRAAG,
asook die Volksversetaksie, 'n groepering van Afrikaanse organisasies het
vir burgemeester Smangaliso Mkhatshwa van Pretoria gevra om 'n gedenkteken
op te rig vir die slagoffers van die Kerkstraatbom (sien onderstaande
brief).
Ook
gaan 'n kranslegging ter nagedagtenis van die slagoffers môre op 22
Mei in Kerkstraat om 14.00 voor die Pointinsgebou plaasvind waar die bom
ontplof het op 20 Mei 1983 . Negentien mense is in daardie ontploffing dood
en meer as 200 beseer.
Die
munisipaliteit het reeds toestemming geweier vir enige optog om in
Kerkstraat plaas te vind, maar daar is besluit dat individue in groepe van
minder as 15 sonder enige plakkate of vlae vanaf die Ou Raadsaal op
Kerkplein sal beweeg na die plek waar die bom ontplof het om daar klippe te
stapel, asook blomme en kranse te lê. Sodoende word die wet op byeenkomste
nie oortree nie en sal niemand gearresteer word nie.
In
die oggend vind 'n vergadering van die Konfederale Afrikanerforum in die Ou
Raadsaal plaas, vanaf 9.00. Die kranslegging sal dus na afloop daarvan
geskied, vanaf 14.00.
Kontakpersoon:
Dan Roodt 0824901036
Afskrif
van brief aan burgemeester:
Burgemeester
Smangaliso Mkhatshwa
Munisipaliteit
van Pretoria
Munitoriagebou
Pretoria
20 Mei 2004
PER
HAND GELEWER
Geagte
Burgemeester,
Monument
vir slagoffers van Kerkstraatbom
Soos
u waarskynlik weet, herdenk ons vandag die ontploffing van die Kerkstraatbom
in Pretoria op 20 Mei 1983 waarin 19 mense dood en 200 beseer is. Hierdie
insident was die ernstigste voorval van stedelike terreur in die land se
geskiedenis.
Ons
wil 'n beroep op u doen om, soortgelyk aan die monument wat opgerig gaan
word vir die slagoffers van die World Trade Centre-aanval op 11 September
2001, ook 'n monument op te rig ter nagedagtenis aan die onskuldige
voetgangers wat op 20 Mei 1983 die lewe gelaat het tydens die Kerkstraatbom.
Verlede
jaar het die dagblad Beeld 'n spesiale bylaag aangebied by
geleentheid van die twintigste herdenking van die Kerkstraatbom. Die foto's
en berigte het wye reaksie ontlok van Pretorianers, asook Afrikaners van
regoor die land.
Dit
sou 'n gepaste en versoenende gebaar van u kant af wees om 'n gedenkteken op
die sypaadjie te laat oprig op die plek waar die bom ontplof het met die
name van hulle wat in dié aanval vermoor is.
PRAAG,
asook 'n aantal ander Afrikaanse organisasies, is van plan om gereeld
jaarliks 'n kranslegging te doen op die plek waar die bom gestel is, om te
toon dat Pretoria nie die grusame dood wat die twintigtal mense gesterf het,
gaan vergeet nie. Ook die beseerdes wat lewenslank hierdeur vermink is, moet
die vertroosting ontvang dat hulle onderskraag word deur hul medeburgers.
Ons
vertrou dat u gehoor sal gee aan hierdie redelike versoek om reg te laat
geskied aan die nagedagtenis van die Kerstraatbomslafoffers, en hoop om
binnekort 'n antwoord van u te ontvang.
Hoogagtend
die uwe,
Dr.
Dan Roodt
Direkteur,
PRAAG (Pro-Afrikaanse Aksiegroep)
