Hiermee reik PRAAG, die Pro-Afrikaanse
Aksiegroep, die volgende persverklaring uit op Maandag 25 Maart 2002
om 15h00:
Ná vele persberigte, asook vermanings
in verskeie hoofartikels van koerante soos Beeld en Rapport, is die
Departement van Korrektiewe Dienste steeds besig om voete te sleep
oor Afrikaans. Studente word nog steeds op subtiele en minder
subtiele wyses geïntimideer om hul aandrang op Afrikaans as
eksamentaal te laat vaar.
Intussen verseg die Departement om die
situasie reg te stel by wyse van 'n verklaring of om die studente
gerus te stel dat hul taalregte eerbiedig sal word. Na dae van
vrugtelose oproepe aan die departement, sowel aan sy waarnemende
kommissaris Tshisvase as aan die hoof van opleiding, dr. Govender,
het PRAAG besluit om 'n regsgeding teen die DKD in te stel.
Mnr. Gerhard Painter van die Pretoriase
firma Friedland en Hart sal optree as prokureur vir PRAAG en die
studente van Zonderwater, terwyl advokaat Frans Barrie van die
Johannesburgse balie die Hooggeregshofaansoek sal hanteer. In
terme van die stukke wat vanmiddag op die departement bestel word,
het hy tot Woensdag 27 Maart om 12h00 om die situasie reg te stel.
Indien die departement steeds in gebreke bly om erkenning aan
Afrikaans te verleen, sal 'n Hooggeregshofaansoek onmiddellik volg,
met 'n versoek vir 'n kostebevel teen die DKD.
PRAAG eis dat die departement sy
skending van Afrikaanse taalregte moet staak, en 'n onderneming moet
gee dat alle studente wat dit verkies, toegelaat word om in
Afrikaans hul eksamen af te lê. Op Donderdag 28 Maart word 'n verdere
eksamen afgelê te Zonderwater, en ons wil hê dat die departement
hom reeds Woensdag verbind tot die enigste billike en wetlike
uitweg, naamlik om die studente toe te laat om in Afrikaans te skryf.
PRAAG versoek insgelyks die
departement om 'n verskoning aan te bied vir sy onbillike en
ongrondwetlike gedrag tot dusver, asook die intimidasie en
viktimisering van studente. Ook die opmerking "Fok die
Boere, julle tyd is verby" smeek om 'n dringende apologie van
die departement.
Ons aksiegroep beskou hierdie as 'n
toetssaak. Daarom sal PRAAG nie rus voordat die departement
gedwing is om volle erkenning aan Afrikaans as amptelike taal en as
eksamentaal te verleen nie.
Kontakpersoon: dr. Dan Roodt 082
490 1036
PRAAG doen by wyse van hierdie
mediaverklaring 'n dringende beroep op die NNP en mnr. Adriaan van
Niekerk om hulle nie langer te bemoei met die taalstryd nie, en om
op te hou om die Departement van Korrektiewe Dienste se
disinformasie die wêreld in te stuur.
Gister het die NNP 'n gerug versprei dat
die brandende taalgeskil by die DKD so te sê opgelos is deur 'n
kompromie wat dié lafhartige hensopperparty met die Minister
Ben Skosana sou aangegaan het. PRAAG beklemtoon die feit dat
die huidige taalaksie rondom die Zonderwater-opleidingsentrum van
die DKD deur ons geïnisieer is op aandrang van die studente en
ander betrokkenes wie se taalregte flagrant vertrap word deur die
staat.
Duidelik tree die NNP hier op as
handperd vir die ANC in 'n poging om die oplaaiende misnoeë onder
Afrikaanssprekendes oor die onderdrukking van hul taal te
probeer ontlont. Dit verteenwoordig ook 'n kwalik bedekte
poging om PRAAG en die taalstryders te ontmoedig in ons
Dawid-en-Goliatstryd teen 'n verdrukkende staat wat om elke hoek en
draai poog om Afrikaans af te skaal, af te takel en te misken.
Ons sê dus reguit aan mnre. Adriaan van
Niekerk en Marthinus van Schalkwyk: skoenmaker, hou jou by jou
lees. Speel liewer voetjie-voetjie met die ANC onder die tafel
waarvoor u 'n natuurlike aanleg het, as wat u u bemoei met die
Afrikaanse taal en kultuur waarvoor die NNP en sy voorganger, die
NNP, sedert Verwoerd se onderonsie met NP van Wyk Louw oor Die
pluimsaad waai ver, nog niks gedoen het behalwe om Afrikaanse boeke
te sensureer, skrywers te intimideer, en die grootste lewende
Afrikaanse digter, Breyten Breytenbach, in die gevangenis op te
sluit nie.
Dat die NNP vandag in die bed is met 'n
Afrikaansvyandige ANC verbaas dus nie. Gisteraand op RSG, 'n
Afrikaanse radiostasie, het Kortbroek van Schalkwyk vir sy
tweelingbroer Thabo Mbeki verdedig, wie se klere al so skraps word
dat hy binnekort as die Keiser sonder Klere bekend gaan staan. Nie
net het Kortbroek van Schalkwyk hom gevoeg by Mbeki en die
res van die ANC in hul apologie vir die Mugabe-diktatuur nie, hy het
dit boonop in Engels gedoen op 'n Afrikaanse radiostasie.
'n Jakkals verander van haar, maar nie van kleur nie.
Intussen eskaleer die taalstryd in die
Departement van Korrektiewe Dienste, en is die ANC-staat op
heterdaad betrap waar hy 'n jong student aan die Opleidingskollege
fisiek geïntimideer het in 'n wanhopige poging om hom te laat
afsien van sy voorneme om die eksamen in sy moedertaal af te lê.
Vanmôre voor die aanvang van die eksamen, is al die studente aan
die Zonderwater-opleidingskollege byeengeroep en gewaarsku dat hul
vraestelle nie gemerk sou word indien dit in enige ander taal as
Engels beantwoord sou word nie. Toe die eksamen begin, het 'n
groot groep instrukteurs van die kollege rondom die tafel van die
jong Afrikaner kom staan wat reeds weke lank op vriendelike dog ferm
wyse daarop aandring om die eksamen in sy moedertaal af te lê.
Dit was 'n onverbloemde poging tot
intimidasie om hom te weerhou daarvan om sy vraestel in Afrikaans te
beantwoord. In sy woorde, "het ek iewers, ek weet nie van
waar nie, die krag gekry om in Afrikaans te skryf". Hy
het sy hele vraestel in Afrikaans voltooi, in weerwil van die
dreigement vooraf dat dit nie gemerk sou word nie.
By die aanhoor hiervan, het dr. Dan
Roodt van PRAAG kort na die eksamen vanmôre aan die jongman gesê,
"Mazeltov! Jy is 'n Christiaan de Wet vir Afrikaans!
Nou gaan ons die DKD in elke hof in die land beveg om daardie
Afrikaanse antwoordstel gemerk te kry. En al moet ons nou die
saak tot in die Konstitusionele Hof vat, of tot in die Wêreldhof in
Den Haag, gaan lê sal ons nie."
PRAAG se regsverteenwoordigers is reeds
besig om alle aspekte van die saak te ondersoek, en 'n
verskeidenheid van regstappe gaan volg, ongeag of die vraestel
gemerk word of nie. Die taalbeleid soos dit tans in die
Departement toegepas word, is onwettig en ongrondwetlik, en 'n
bevoegde hof sal dit tersyde moet stel. PRAAG was reeds in
verbinding met PANSAT en 'n klagvrom word tans voltooi oor die
aangeleentheid.
Die moontlikheid bestaan dat die eksamen
nietig verklaar sal word as gevolg van die intimidasie vóór, en
tydens, die eksamen. Sodra PRAAG se advokaat klaar die saak
bestudeer het, sal verdere aankondigings volg aangaande die
prosudures wat teen die DKD ingestel gaan word.
PRAAG doen verder 'n beroep op alle
Afrikaanssprekendes, wit en bruin, om nie toe te gee teenoor
die golf van taaldiskriminasie wat Afrikaans op die oomblik tref
nie. Kom ons staan saam vir ons taal, ons tradisie en
geskiedenis van verset teen koloniale moondhede wat ons van ons
erfenis wou beroof.
PRAAG gaan ook 'n protesoptog reël
vanaf Kerkplein tot die Pointinsgebou waar die hoofkantoor van die
DKD geleë is teen die einde van aanstaande week of vroeg in die
daaropvolgende week. Die taalaksiegroep doen 'n beroep op
almal om op te ruk na dié geleentheid, ten einde solidariteit met
die eensame stryd van die jong Afrikaanse taalheld in die
departement te toon en 'n duidelike boodskap aan die ANC-regering
oor te dra. Hierdie boodskap is: ons laat nie verder met
Afrikaans mors nie! Ons laat ons ook nie langer intimideer
nie!
Lede van die publiek wat wil bydra tot
die komende taalstryd in die howe, kan gerus vir PRAAG kontak by
nommer 011 469 0292. Andersins kan die publiek direkte
skenkings aan PRAAG maak deur geld te deponeer by ABSA, Fourways,
takkode 632905, rekeningnommer 4052326604 in die naam van
"PRAAG".
Lank lewe Afrikaans!
Kontakpersoon: Dr. Dan Roodt,
0824901036.
boontoe
Hiermee reik PRAAG (die Pro-Afrikaanse
Aksiegroep) die volgende mediaverklaring uit om 11h30, Vrydag 14:
Die Suid-Afrikaanse Menseregtekommissie
het op 21 Februarie 2001 geantwoord op 'n klag wat deur mnr. Fanie
van Heerden gelê is oor die gebruik van die frase "Kill a
Boer, kill a farmer". In sy wysheid het die MRK bevind
dat hierdie woorde, soos gebruik deur openbare figure en dienende
lede van die ANC soos byvoorbeel mnr. Peter Mokaba, nie
"haatspraak" verteenwoord nie, maar blote "vryheid
van spraak".
Hierdie uitspraak het pas vandag aan die
lig gekom toe die bevinding van die MRK op die PRAAG-gesprekslys
gepubliseer is (sien hieronder). Hoewel die kwessie dus 'n
jaar oud is, toon dit nogtans baie duidelik aan dat die hele
grondwetlike stelsel in Suid-Afrika in ernstige gevaar verkeer, en
wel om die volgende redes:
- Terwyl blankes en veral Afrikaners
as't ware "gejag" word deur die MRK soos tydens besoeke
op plase, die intimidasie van 'n skool soos Nelspruit Hoër wat
kwansuis swart kinders se "menseregte skend" deur aan
hulle skool te hou in Afrikaans en nie in Engels nie, val etniese
haatspraak soos "kill a Boer, kill a farmer" binne die
wet as "vryheid van spraak";
- terwyl blankes beboet word of selfs
afgedank as "rassiste" omdat hulle in 'n onnadenkende
oomblik een van die vele etniese pejoratiewe wat in 'n
multi-etniese land soos Suid-Afrika in alledaagse omgang is,
gebruik, geniet swart leiers volkome vryheid om etniese haat vanaf
openbare verhoë of in die media aan te hits as deel van hul
"vryheid van spraak";
- sopas het nog 'n geval van
haatspraak teenoor Afrikaners aan die lig gekom by die Departement
van Korrektiewe Dienste waar Afrikaans nie net onderdruk word nie,
maar daar deur 'n swart instrukteur van die
Zonderwater-opleidingsentrum gesê is, "Fok die Boere, julle
tyd is verby. Hierdie departement is nou nét Engels";
- die taalklousules van die Grondwet,
te wete artikel 6, word vrywel deur die Staat geïgnoreer, terwyl
die Pan-Suid-Afrikaanse Taalraad met 200 onopgeloste taalklagtes
sit waarvan daar nou net 6 per jaar aangepak sal word weens 'n
gebrek aan fondse (dít terwyl honderde miljoene beskikbaar is vir
rassismekonferensies en dergelike).
Nie net spreek PRAAG hom sterk uit teen
die Menseregtekommissie se belaglike en bevooroordeelde bevinding
oor "kill a Boer, kill a farmer" nie, maar ons vra die
bekommerde vraag: waarheen is ons pad met logika soos dié?
Is daar een stel reëls vir swartmense en regeringslede, en 'n ander
vir minderheidsgroepe en nie-lede van die regering?
Oor die afgelope enkele dae is PRAAG
oorval deur klagtes van taaldiskriminasie in openbare instellings.
In die geval van me. Jeanette Barnard het sy 'n tweetalige vraestel
aan die Pretoriakollege in Afrikaans beantwoord, maar agterna is die
vraestel nooit gemerk nie. Sy het 'n eksamenpunt van nul
ontvang, en omdat haar jaarpunt eenvoudig deur twee gedeel is, het
sy die kursus gedruip. Ná bewerings dat sy nie die eksamen
geskryf het nie, het die Pretoriakollege nou onderneem om haar
diploma aan haar toe te ken, dog steeds sonder 'n eksamenpunt!
Iemand kan dus 'n diploma ontvang sonder
'n eksamenpunt, maar nie sy vraestel gemerk kry nie omdat dit in die
"verkeerde taal", Afrikaans, sou wees.
Soos in die geval van die MRK, is hier
'n vreemde logika aan die werk waar
- taal- of etniese diskriminasie
gewettig of toegelaat word en;
- reëls of grondwetlike beginsels by
die agterdeur uitgegooi word.
Die vraag bestaan of die Suid-Afrikaanse
regstaat wat in 1994 na alle bevolkingsgroepe uitgebrei is in 'n
een-mens-een-stemdemokrasie nie reeds ernstig bedreig word deur
lakse en bevooroordeelde interpretasies van regte nie.
Dan Roodt kontaknommer 082 490 1036
PRAAG
----- Original Message -----
Sent: Thursday, March 14, 2002 10:40 AM
Subject: [praag] Foefies vir die vaak.
|
Telephone: 27
11 484 8300 Fax: 27 11 4847149 Fax Commissioners:
27 11 484 8403
Fax Advocacy
and Research:
2711 4847146
Fax Legal: 27 11 4841300
|
SOUTH AFRICAN HUMAN
RIGHTS COMMISSION
Entrance
1
Wilds
View
Isle of
Houghton
Private Bag 2700
Boundary
Road
Houghton
Parktown,
Johannesburg
2041
21 February 2001
Mr Fanie van Heerden
PO Box 2418
ROOIHUISKRAAL
0154
Dear Mr van Heerden
RE: YOUR COMPLAINT
We refer to the
complaint you lodged with us, and would like to apologise for the
delayed response which was occasioned by a shortage of resources
on our part.
Please note that the
Commission has previously dealt with complaints concerning
allegations of hate speech by some political activists and\or
public figures. After conducting an investigation into these
allegations, the Commission reached a finding that such statements
as 'Kill the boer, Kill the farmer' fall within the
category of the freedom of expression and do not constitute hate
speech as described in section 16(2) of the Constitution.
Nonetheless the
Commission believes that public figures have a responsibility to
promote the spirit of the Constitution, tolerance between
communities, human dignity and respect for the law. It will thus
continue to monitor their conduct with the view to ensuring that
their public utterances are of such that they do not unnecessarily
offend sections of South African population.
Do
not hesitate to contact the Commission should you have complaints of
human rights violations in future. Under the circumstances we are
closing our file.
M C MOODLIAR HEAD:
Legal Services
The United Nations
Decade for Human Rights Education 1995 - 2005 Chairperson
SE Mabusela; Deputy Chairperson J Kollapen;
Commissioners CRM DIamini, K Govender, Z Majodina, T Manthata
C McClain, J Nkeli, L Wessels; Chief Executive Officer L
Mokate
boontoe
MEDIAVERKLARING
UITGEREIK OP SONDAG 3 FEBRUARIE 2002 DEUR PRAAG (PRO-AFRIKAANSE
AKSIEGROEP)
Die beoogde naamsveranderings in die Noordelike Provinsie wat
aangekondig is deur die regerende ANC is niks minder as
toponimiese etniese suiwering nie. PRAAG doen hiermee 'n
beroep op alle Afrikaanse organisasies en individue, asook
simpatiekgesinde anderstaliges, om naamsveranderings met hand en
tand te beveg.
Die lasterlike gelykstelling van alle Afrikaanse name met
"apartheidsname", en die gepaardgaande behoud van
Britse koloniale name deur die ANC, het nou al soveel keer
voorgekom dat dit al 'n patroon uitmaak van anti-Afrikaanse
xenofobie. Hierdie anti-Afrikaanse xenofobie is ook
teenwoordig in die filistynse en inderdaad barbaarse skending en
verwydering van kunswerke wat deur Afrikaners geskilder is, of
wat verwys na historiese Afrikanerfigure.
Terwyl die ANC versoening predik, is hy besig om met die beoogde
naamsveranderings die pad van 'n kulturele oorlog, wat reëlreg
teen Afrikaans en die Afrikaanse erfenis gemik is, in te slaan.
Ook wat die anti-Afrikaanse aggressie van staatsdepartemente
aanbetref, is daar meer as honderd uitstaande klagtes by die
Pan-Suid-Afrikaanse Taalraad vir skending van die Grondwet
waarvan die meeste teen die Staat self gelê is.
PRAAG steun alle aksies, ingesluit belastingboikotte, om die
betrokke munisipale owerhede te dwing om af te sien van hul
xenofobiese anti-Afrikaanse beleid van naamsveranderings.
Ons herinner die ANC dat die betrokke dorpe van Pietersburg,
Warmbad, Ellisras, Nylstroom, Potgietersrus, en ander aangelê
is deur Afrikaners. Hulle is historiese name wat wêreldwyd
bekend is en deel vorm van 'n Afrikaanse en Suid-Afrikaanse
identiteit. Enige skending of vernietiging van hierdie
name kom neer op 'n verwerping van Afrikaans en Afrikaners, en
is inderdaad Mugabeagtig.
PRAAG doen verder 'n oproep op alle inwoners van die Noordelike
Provinsie om protesvergaderings te hou, en op elke moontlike
manier hul teenkanting hierteen uit te spreek.
PRAAG is ook reeds in kontak met verskeie plaaslike aksiegroepe
om die idee van 'n gekoördineerde betoging teen
naamsveranderings en anti-Afrikaanse xenofobie te bespreek.
Kontakpersoon: dr. Dan Roodt, 0824901036
boontoe
Brief
aan Thabo Mbeki
President
Thabo Mbeki
Die
Presidensie
Uniegebou,
Wesvleuel
Goewermentslaan
Pretoria
Per faks na nrs. 0123238246 en
0214642217
5
April 2002
Geagte
president Mbeki,
Verval van Afrikaans as
amptelike taal
Op
7 Desember 1999 het ek ‘n skrywe aan Minister Kader Asmal
gerig waarin ek die verengelsing van Suid-Afrika en van ons
opvoedingstelsel betreur het.
In sy antwoord op 14 Januarie 2000 het hy my die volgende
versekering gegee: “Die
Grondwet skep ‘n basis vir die samewerking tussen die
verskillende taalgemeenskappe in die oorkoepelende omgewing van
‘n veeltalige realiteit in Suid-Afrika.”
Sedertdien
het die situasie merkbaar versleg.
Vir alle praktiese doeleindes is Afrikaans nie meer ‘n
amptelike taal van Suid-Afrika nie, en die meeste van u
staatsdepartemente soos Justisie, Openbare Werke, Verdediging en
tans Korrektiewe Dienste, ignoreer die Grondwet en dan veral
artikel 6 (3) (a). Soos
u weet maak hierdie artikel voorsiening vir elf amptelike tale
en verplig dit elke staatsdepartement en elke provinsie om ten
minste twee amptelike tale te gebruik.
Die
Departement van Korrektiewe Dienste het sopas, volgens ‘n “uitvoerende
besluit” van 18 Maart 2002, sy taalbeleid bekend gemaak waarin
slegs Engels vermeld word as voertaal.
Studente
aan die Zonderwater-opleidingskollege is insgelyks onlangs
verbied om vraestelle in Afrikaans te beantwoord, en is selfs
gedreig en geviktimiseer hieroor.
Asof dit nie erg genoeg is nie, is etnies kwetsende taal
gebruik teenoor Afrikaanse studente, asof die staat hul vyand
geword het. Hierdie
aangeleentheid is tans die onderwerp van ‘n dringende aansoek
voor die Hooggeregshof in Pretoria.
Die Departement van Openbare Werke slaan reeds vir bykans
‘n jaar geen ag op ‘n bevinding van die Pan-Suid-Afrikaanse
Taalraad wat in die Staatskoerant gepubliseer is en waarin dié
departement beveel word om Afrikaans tot sy vorige posisie te
herstel nie.
Na
my beskeie mening bestaan daar reeds ‘n grondwetlike krisis
rondom die taalkwessie in Suid-Afrika.
Namens die 5,5 miljoen Afrikaanssprekendes in hierdie
land, wat verenig is in hul begeerte om Afrikaans as ampstaal
erken te sien, beroep ek my op u as een van die beskermhere van
ons Grondwet, om dringend in te gryp en Afrikaans tot sy vorige
posisie as amptelike taal wat sedert 1925 gegeld het, en ook in
die huidige Grondwet vervat is, te herstel.
Nie lank
gelede nie het u in New York aangekondig dat die Suid-Afrikaanse
regering geld bewillig het vir ‘n museum in Mali wat
manuskripte wil bewaar. Graag
bring ek dit onder u aandag dat daar ‘n soortgelyke krisis in
ons eie land bestaan waar vele museums en gedenkwaardighede wat
die Afrikanergeskiedenis uitbeeld, bedreig word weens ‘n
gebrek aan fondse en personeel. Tans word daar ‘n Afrikanererfenisstigting opgerig in ‘n
poging om van hierdie kultuurgoedere te red, en ons hoop dat die
staat soortgelyke finansiële steun aan
hierdie
bewaringspoging sal verleen as wat aan ‘n buitelandse instansie
elders op ons kontinent geskenk is.
Ek
herinner u daaraan dat die onderdrukking van Afrikaans, waarmee
omtrent elke staatsdepartement tans in een of ander vorm besig is,
‘n lang geskiedenis het wat terugstrek tot die Tweede Britse
Besettting van 1806.
Die Afrikaanse
gemeenskap is oor die algemeen vredeliewend en verdraagsaam.
Ons word nie maklik opgerui nie, en glo dat redelikheid
behoort te seëvier in Suid-Afrika.
Ons glo ook in die regstaat en dat elkeen,
staatsdepartemente hierby inbegrepe, die wet behoort te respekteer
en na te kom. Die
staat is immers ‘n geregtelike skepping en sonder gehoorsaamheid
aan sy eie reëls kan daar net wanorde en anargie ontstaan.
Ek
en elke Afrikaanssprekende vertrou dus dat u Afrikaans so spoedig
moontlik sal herstel tot amptelike taal van ons pragtige land.
Hoogagtend
die uwe,
Dr.
Daniël François Roodt
Direkteur,
PRAAG (Pro-Afrikaanse Aksiegroep)
Kopié
aan: Mnr. Bheki
Khumalo 0123236080
Subject: Ultimatum aan Korrektiewe Dienste
Aandag alle media, ons bring dit onder u
aandag dat die DKD op terme gestel is (sien brief hieronder).
PRAAG wil voor een-uur vandag 'n bevestiging uit die
Departement van Korrektiewe Dienste hê dat die studente môre in
Afrikaans hul vraestelle mag beantwoord.
Dan Roodt, PRAAG, kontaknommer:
082 490 1036
Kommissaris Mti
Korrektiewe Dienste
Pointinsgebou
H/v Schubart en
Kerkstraat<?xml:namespace prefix = o ns = "urn:schemas-microsoft-com:office:office"
/>
Pretoria
14 Maart 2002
DRINGENDE
FAKSBOODSKAP AAN NR. 0123212460, VIR AANDAG:
JACKIE
Geagte
Kommissaris,
Afrikaans
by Zonderwater-opleidingsentrum
U
word hiermee dringend versoek om die studente aan die
Zonderwater-opleidingsentrum te verseker dat hulle tydens ‘n
eksamen wat môre, d.w.s. 15 Maart, gehou sal word, hul vraestelle
in Afrikaans mag beantwoord.
Soos
u weet, is Afrikaans een van die elf amptelike tale van
Suid-Afrika en, benewens Engels, ‘n voertaal van u Departement.
Artikel 6, sub-artikel 3 (a) van die Suid-Afrikaanse
Grondwet 108 van 1996 bepaal dat elke staatsdepartement “minstens
twee amptelike tale moet gebruik”.
Tans is daar instrukteurs in u Departement by die
Zonderwateropleidingsentrum wat slegs een taal, te wete Engels,
afdwing, en sodoende die sukses van die betrokke studente
benadeel.
Omdat
Afrikaans die moedertaal van die studente is, asook die taal
waarin hulle hul skoolopleiding geniet het, dring hulle daarop aan
dat hulle die eksamen in Afrikaans sal beantwoord, wat die enigste
billike en wetlike uitweg is.
Hierdie
saak is reeds met verskeie amptenare in u departement, o.a. dr.
Govender, die hoof van die Opleidingsentrum, opgeneem en daar
bestaan klaarblyklik onsekerheid oor wat presies die taalbeleid
van die departement sou wees.
Gegewe
die dringendheid van die situasie, in die lig van ‘n eksamen wat
môre-oggend afgelê gaan word, word u hiermee in kennis gestel
dat indien u nie binne die volgende vier ure, d.w.s. vóór 13h00
vandag reageer om die studente gerus te stel dat hulle wel die
eksamen in Afrikaans sonder benadeling mag aflê nie, dan
onderneem PRAAG om:
·
die
nodige regstappe teen u, dr. Govender, asook alle ander
betrokkenes, gesamentlik en afsonderlik in te stel;
·
die
plaaslike en internasionale media in kennis te stel dat die
Departement van Korrektiewe Dienste ná verskeie dae van klagtes
en selfs hoofartikels in die pers (sien vandag se Beeld), steeds
in gebreke bly om die Grondwet en alle reëls van billikheid en
ordentlikheid na te kom deur onsekerheid te saai rondom die status
van Afrikaans as eksamentaal in u departement;
·
‘n
klag teen die Departement van Korrektiewe Dienste in te stel by die
Pan-Suid-Afrikaanse Taalraad (PANSAT);
·
verdere
klagtes teen u Departement te bring vir crimen injuria en
oortredings van relevante wetgewing weens die onwelvoeglike,
kwetsende en rassistiese taalgebruik wat deur een van u instrukteurs
teenoor die Afrikaanssprekende studente gebesig is, te wete:
“Fok die Boere. Julle
tyd is verby. Hierdie
departement is nou net Engels. ”
Ons
vertrou dat u so gou moontlik, en vóór 13h00 vandag, die nodige
regstelling sal doen en die amptelike status van Afrikaans as
eksamentaal in u departement sal bevestig ten einde die studente wat
erg op hul gejaag is deur die onaangename gebeure, in kalmte te laat
voorberei en te laat eksamen skryf.
Hoogagtend
die uwe,
Dr.
Dan Roodt
Direkteur,
PRAAG (Pro-Afrikaanse Aksiegroep)
******************
Wat is
PRAAG?
PRAAG (die Pro-Afrikaanse Aksiegroep) beywer hom vir die
erkenning van taalregte binne die verband van 'n meertalige
Suid-Afrika.
PRAAG is gekant teen enige vorm van diskriminasie op grond van
taal, ras, geslag, afkoms, godsdienstige of politieke oortuiging,
asook seksuele voorkeur.
PRAAG staan moedertaalonderrig op alle vlakke voor, hetsy
voorskools, primêr, sekondêr of tersiêr.
Die voertaal van PRAAG is Afrikaans.
PRAAG stel hom ten doel om met verteenwoordigers van ander
taalgroepe wie se tale bedreig word, saam te werk ten einde die
beginsel van demokratiese veeltaligheid te laat seëvier.
PRAAG beskou meertaligheid as 'n ekologiese beginsel en spreek
sy kommer uit oor die plaaslike en internasionale neiging tot
talige monokultuur.
PRAAG ondersteun
die bemagtiging van die armes, met dien verstande dat dit in die
moedertaal en deur moedertaalonderrig geskied. Ons maak
Afrikaanssprekendes daarop attent dat hulle 'n spesiale
verantwoordelikheid het teenoor hul eie taalgemeenskap en sover
moontlik enige opheffingsprogramme op hul eie taalgenote behoort
toe te spits. Dit geld ook vir Afrikaanse sakeondernemings,
universiteite en ander instellings.
PRAAG ondersteun die Asmara-verklaring oor tale en letterkundes
in Afrika, en verwelkom die beginsel wat voortaan in Afrika
toegepas behoort te word, naamlik om mense in hul eie tale te
bemagtig, pleks van die koloniale tale.
PRAAG sal jaloers die reg van mense om hul eie tale te gebruik,
hetsy in die openbaar, hetsy by hul werkplek, of op enige ander
terrein, bewaak en verdedig met al die middele tot ons beskikking.
PRAAG bepleit taalgelykheid en vra alle instansies, publiek en
privaat, om hierdie gelykheid te handhaaf in hul kommunikasie met
die burgers van Suid-Afrika.
boontoe
PRAAG, die Pro-Afrikaanse Aksiegroep,
reik hiermee die volgende mediaverklaring uit om 10h45 op Dinsdag 12
Maart 2002:
"Fok die Boere! Hulle
tyd is verby - dit is nou net Engels in hierdie
departement." - Departement van Korrektiewe Dienste
Sedert verlede week voer
Afrikaanssprekendes 'n stryd vir die behoud van Afrikaans as
opleidingstaal in die Departement van Korrektiewe Dienste.
Gister het ons verneem dat een van die instrukteurs by die
Zonderwater-opleidingsentrum sou gesê het: "Fok die
Boere! Hulle tyd is verby - dit is nou net Engels in hierdie
departement."
Eerskomende Vrydag op 15 Maart word 'n
belangrike eksamen by Zonderwater afgelê. Bruin en wit
Afrikaanssprekendes het eenparig daarop aangedring dat hul
taal- en Grondwetlike regte gerespekteer word en dat hulle toegelaat
moet word om die eksamen in Afrikaans af te lê. Tot dusver is
hierdie redelike versoek van die hand gewys.
PRAAG se advies aan die Afrikaanse
studente by Zonderwater is om te weier om die eksamenvraestel in
Engels te beantwoord en dit in hul moedertaal en taal waarin hulle
tot dusver opgelei is, Afrikaans, te doen. Indien die
Departement van Korrektiewe Dienste nie bereid is om vraestelle in
Afrikaans te merk nie, gee PRAAG by wyse van hierdie
mediavrystelling die Departement kennis dat ons 'n dringende
interdik sal aanvra teen die Departement, mnr. Govender, asook die
opleidingsentrum, sodat 'n bevoegde hof hulle kan gelas om die
vraestelle te merk, sonder benadeling of viktimisering van die
betrokke studente.
Afrikaans is hul moedertaal, asook die
taal waarin hulle hul skoolopleiding geniet het. Gegewe hul
jeug en hul onafdoende kennis van Engels as tweede taal, sou hul
kanse op sukses benadeel word indien hulle die eksamen in Engels
moes aflê. Omdat 'n aanstelling by die Departement afhang van
sukses in die eksamens, is hulle hele toekomstige loopbaan as
jongmense op die spel.
Veral die bruin Afrikaanssprekendes, wat
uit byna eentalig-Afrikaanse dele van die land soos die Wes- en
veral die Noord-Kaap afkomstig is, sou baie ernstig benadeel word
deur die hardvogtige, uitdagende en byna kriminele standpunt wat die
Departement by monde van sy Opleidingsdirekteur, mnr. Govender,
ingeneem het.
Die jongste vuige uitlating oor die
Boere en hul taal, is die laaste strooi sover dit die geduld van die
Afrikaanssprekende gemeenskap met taalonderdrukking betref.
Die toestand van Mugabe-agtige ongrondwetlikheid in 'n hele aantal
staatsdepartemente soos die Departement van Korrektiewe Dienste,
asook Openbare Werke, korreleer goed met ondoeltreffendheid en
korrupsie, want beide departemente is twee jaar gelede uitgesonder
vir hul swak finansiële bestuur, asook klagtes van korrupsie
deur die Ouditeur-Generaal. Veral in die Departement van
Korrektiewe Dienste is 'n kommissie aangestel om 'n hele aantal
gevalle van vervalsde kwalifikasies te ondersoek, maar tot dusver
het daarvan dadels gekom. 'n Besoekende span Amerikaanse
deskundiges oor korrektiewe dienste, het die Suid-Afrikaanse tronke
beskryf as die "swakste ter wêreld".
Staatsdepartemente wat dus taalregte skend, is ook geneig tot
korrupsie, wanbestuur en ondoeltreffendheid.
Die keiser het nie meer klere aan nie.
Enige twyfel dat die staat onverdraagsaam teenoor die
Afrikaanssprekende minderheid sou wees, is deur hierdie jongste
insidente uit die weg geruim. Die ANC-regering het 'n
taaloorlog teen wit en bruin Afrikaners verklaar.
Oor die afgelope week of twee het ons
verdere treurige nuus oor die status van Afrikaans in ons land
verneem:
- Kaapstad gaan oorslaan na slegs
Engels as administratiewe taal;
- die Prokureursorde gaan voortaan
slegs Engelse artikels in sy tydskrif, De Rebus, publiseer wat 'n
nuwe afgang van Afrikaans in die regsberoep inlui;
- volgens ingeligte bronne word daar
tans slegs 'n klein persentasie van die benodigde Afrikaanse
onderwysers opgelei, wat sou beteken dat 'n insinking binne die
volgende enkele jare in Afrikaanse skole dreig soos wat die
huidige onderwyskorps begin aftree.
Afrikaans veg met sy rug teen die muur
op alle terreine van die samelewing. Die kultuurtaal wat oor
die afgelope honderd-en-dertig jaar tot stand gekom het, word
ernstig bedreig.
PRAAG doen 'n beroep op alle Afrikaanse
kultuurorganisasies, die Afrikaanse media, kerke en ander
instellings om die taalstryd hoog op hul agenda te plaas.
Veral die koerante, radiostasies en ander media moet prominent
oor die taalkrisis berig, en die bevolking mobiliseer om dit af te
weer.
Dit is vyf voor middernag vir Afrikaans.
Kom ons ondersteun die moedige studente van
Zonderwater-opleidingsentrum in hul eensame stryd om maar net in hul
moedertaal te mag eksamen skryf. Kom ons staan saam, wit en
bruin, vir ons taal.
Wys jou staal vir jou taal!
Kontakpersoon: Dr. Dan Roodt 082
490 1036
N.B. Sirkuleer hierdie
persverklarings so wyd as moontlik, ook vir u vriende en kollegas.
boontoe
Hiermee reik PRAAG (die
Pro-Afrikaanse Aksiegroep) die volgende mediaverklaring uit op
Woensdag 6 Maart 2002:
Die Dept. van Korrektiewe Dienste het
hom verbind tot 'n ongrondwetlike en diskriminerende taalbeleid deur
alle opleiding by die Zonderwater-opleidingsentrum te
verengels. Terwyl die eentalige opleiding reeds strydig is met elke
moontlike begrip van taalregte, het die Departement selfs verder
gegaan deur te weier dat studente hul vraestelle in Afrikaans
beantwoord.
Hierdeur word die studente regstreeks
benadeel en hul kanse op sukses bederf.
PRAAG spreek hom ten sterkste uit teen
hierdie blatante taaldiskriminasie en eis dat die situasie
onmiddellik reggestel word deur:
- gelyke behandeling aan Engels en
Afrikaans te gee;
- die studente sonder verwyl toe te laat
om hul vraestelle in Afrikaans te beantwoord, asook lesings in
Afrikaans by te woon.
PRAAG spreek ook sy misnoeë uit jeens
dr. Govender, die betrokke Opleidingsdirekteur, omdat hy ons
telefoonoproepe nie beantwoord nie of die telefoon onhoflik in
ons ore neersit. Ons eis 'n onmiddellike onderhoud met dr.
Govender ten einde die voortdurende skending van die Grondwet te
besleg.
Hiermee voeg die Departement van
Korrektiewe Dienste hom by die Openbare Werkedepartement in sy
blatante skending van die Grondwet. Ons vestig die aandag van
die publiek daarop dat daar meer as 100 uitstaande klagtes by PANSAT
bestaan, wat duidelik toon dat die huidige Grondwetlike bedeling
sover dit taalbeleid betref, besig is om in duie te stort.
PRAAG roep alle Afrikaners met
Afrikaanse harte op tot die taalstryd en vra dat protesfakse aan dr.
Govender, Direkteur van Opleiding, Dept. van Korrektiewe Dienste
gestuur word by die volgende faksnommers: 012 323 5666 of 012
321 2579. Boodskappe van protes kan ook deurgebel word of per
SMS versend word aan dr. Govender by selfoon 0824678257.
Kontakpersoon: dr. Dan Roodt 082
490 1036
Hiermee reik PRAAG (die Pro-Afrikaanse
Aksiegroep) die volgende mediaverklaring uit, 27 Februarie
2002, om 11h45:
Dit wil vir ons voorkom asof die
onlangse naamsveranderings bedoel is om die politieke toekoms van
bepaalde individue binne die ANC te verseker wat binne hul eie party
onder skoot gekom het. Afrikaners en Afrikaanse plekname word
nou die slagoffers van interne magstryde binne die regerende party.
PRAAG het reeds voorlopige regsadvies
ingewin, ingevolge waarvan die hele proses van naamsveranderings
ongrondwetlik geskied het. Ons is tans besig met 'n verdere
regsondersoek, en indien gronde vir 'n regsgeding bestaan, sal ons
in die Hooggeregshof en/of Grondwetlike Hof 'n aansoek bring teen
die Premier van Limpopo (oud-Noordelike Provinsie), asook die
ANC-regering, om die naamsveranderings ongedaan te maak.
Onses insiens is hierdie
naamsveranderings onwettig en ongrondwetlik omdat:
- die Premier en amptenare van die
Noordelike Provinsie buite hul magte opgetree het toe
naamsveranderings deurgevoer is sonder om die betrokke
gemeenskappe se gevoel hieroor te toets en sonder dat 'n
billike proses gevolg is;
- munisipaliteite beskik nie oor die
magte om name te verander nie, aangesien dit nie in Artikel 156
van die Grondwet, saamgelees met bylae 4, deel B, asook bylae 5,
deel B, genoem word as 'n funksie van 'n munisipaliteit nie;
- die naamsveranderings druis in teen
die nie-diskriminasieklousules van die Suid-Afrikaanse Grondwet,
aangesien dit teen Afrikaans en Afrikaanse name gemik is;
- die naamsveranderings oortree ook
alle internasionale norme sover dit die behoud van plekname en
plaaslike kulture betref, en by gebrek aan spesifieke wetgewing
hieroor in Suid-Afrika, behoort die internasionale norme te geld;
- die menswaardigheid van Afrikaners
word geskend deur sekere van die name wat gekies is, soos
byvoorbeeld Mokopane, wat 'n historiese persoon vereer wat hom aan
moord en afskuwelike foltering van Afrikaners skuldig gemaak
het.
Afhangend van die advies wat PRAAG
ontvang, sal daar voortgegaan word met 'n aansoek teen die Premier
van Limpopo (oud-Noordelike Provinsie), asook die President van
Suid-Afrika, om die naamsveranderings tersyde te stel.
Kontakpersoon: Dr. Dan Roodt
0824901036
boontoe
MEDIAVERKLARING UITGEREIK OP SONDAG 3
FEBRUARIE 2002 DEUR PRAAG (PRO-AFRIKAANSE AKSIEGROEP)
Die beoogde naamsveranderings in die
Noordelike Provinsie wat aangekondig is deur die regerende ANC is
niks minder as toponimiese etniese suiwering nie. PRAAG doen
hiermee 'n beroep op alle Afrikaanse organisasies en individue,
asook simpatiekgesinde anderstaliges, om naamsveranderings met hand
en tand te beveg.
Die lasterlike gelykstelling van alle
Afrikaanse name met "apartheidsname", en die gepaardgaande
behoud van Britse koloniale name deur die ANC, het nou al soveel
keer voorgekom dat dit al 'n patroon uitmaak van anti-Afrikaanse
xenofobie. Hierdie anti-Afrikaanse xenofobie is ook
teenwoordig in die filistynse en inderdaad barbaarse skending en
verwydering van kunswerke wat deur Afrikaners geskilder is, of wat
verwys na historiese Afrikanerfigure.
Terwyl die ANC versoening predik, is hy
besig om met die beoogde naamsveranderings die pad van 'n kulturele
oorlog, wat reëlreg teen Afrikaans en die Afrikaanse erfenis gemik
is, in te slaan. Ook wat die anti-Afrikaanse aggressie van
staatsdepartemente aanbetref, is daar meer as honderd uitstaande
klagtes by die Pan-Suid-Afrikaanse Taalraad vir skending van die
Grondwet waarvan die meeste teen die Staat self gelê is.
PRAAG steun alle aksies, ingesluit
belastingboikotte, om die betrokke munisipale owerhede te dwing om
af te sien van hul xenofobiese anti-Afrikaanse beleid van
naamsveranderings. Ons herinner die ANC dat die betrokke dorpe
van Pietersburg, Warmbad, Ellisras, Nylstroom, Potgietersrus, en
ander aangelê is deur Afrikaners. Hulle is historiese name
wat wêreldwyd bekend is en deel vorm van 'n Afrikaanse en
Suid-Afrikaanse identiteit. Enige skending of vernietiging van
hierdie name kom neer op 'n verwerping van Afrikaans en Afrikaners,
en is inderdaad Mugabeagtig.
PRAAG doen verder 'n oproep op alle
inwoners van die Noordelike Provinsie om protesvergaderings te hou,
en op elke moontlike manier hul teenkanting hierteen uit te spreek.
PRAAG is ook reeds in kontak met
verskeie plaaslike aksiegroepe om die idee van 'n gekoördineerde
betoging teen naamsveranderings en anti-Afrikaanse xenofobie te
bespreek.
Kontakpersoon: dr. Dan Roodt,
0824901036
boontoe
Mediaverklaring
uitgereik deur die Pro-Afrikaanse Aksiegroep (PRAAG) op Dinsdag 22
Januarie 2002:
Hiermee wil PRAAG almal gelukwens wat
deelgeneem het aan die aksie om die Nederlandstalige BVN-kanaal na
Suid-Afrika te bring. Ons wil ook ons dank uitspreek teenoor
die Nederlandse en Vlaamse regerings wat gehoor gegee het ons
oproepe om BVN (Beste van Vlaandere en Nederland) plaaslik
beskikbaar te stel.
Die kanaal sal vanaf 1 Februarie
beskikbaar wees op DSTV as deel van die standaard-boeket, betyds om
die Nederlandse koninklike huwelik op 2 Februarie in direkte
uitsending mee te maak. Mev. Van Assum, ambassadrise van
Nederland in Suid-Afrika, het in 'n verklaring gesê dat sy
"verheug" is oor die verwikkeling.
Mnr. Luk van Nieuwenhuysen,
Ondervoorsitter van die Vlaamse Parlement, het die kwessie
verskeiere kere in die Vlaamse Parlement geopper. PRAAG self
het tydens twee besoeke aan die Lae Lande, in November 2000 en in
September 2001 'n pleidooi gelewer teenoor die Nederlandse
Taalunie, asook politici, dat Afrikaanstaliges behoefte het aan 'n
alternatief vir die Engelse kanale en programme waarmee hulle
oorspoel word. Plaaslik in Suid-Afrika is samesprekings gevoer
met M-Net ten einde hul belangstelling in die projek aan te wakker
deur mnr. Carel van der Merwe van PRAAG.
Weer eens het PRAAG getoon dat
taalaksies nie vergeefs is nie, en dat die haglike situasie waarin
Afrikaans hom bevind, omgekeer kan word mits Afrikaanssprekendes
betrokke raak om hul taal te verdedig en te bevorder. Veel
groter betrokkenheid is nodig om binnelandse miskenning en
vertrapping van Afrikaans, beide van die owerheid en die
privaatsektor, uit die weg te ruim.
Tydens die 350-jarige herdenking van Van
Riebeeck se koms na die Kaap, sal dit gepas wees vir
Afrikaanssprekendes om hul kulturele bande met Nederland en
Vlaandere te versterk. Dit is ook nodig dat Afrikaanse
TV-programme opgeneem word in BVN, sodat die wisselwerking tussen
Nederlanders, Vlaminge en Afrikaners nie net in een rigting
plaasvind nie.
Die bestuur van BVN het die
volgende verklaring uitgereik:
Lodewijk Bouwens, voorzitter van BVN-TV,
is tevreden over de voorspoedige distributie van BVN-TV:
"BVN-TV is nu al te ontvangen in meer dan 100 landen in Europa,
Noord Afrika, het Midden-Oosten, de Antillen en Aruba, de Verenigde
Staten en Zuid-Amerika. Ook hopen wij binnenkort de distributie van
BVN-TV in Canada definitief te maken." BVN-TV is een
samenwerkingsverband van de NOS, de VRT en de Wereldomroep.
Nederlandstaligen in het buitenland kunnen via BVN-TV
televisieprogramma's van de Nederlandse en Vlaamse publieke omroepen
ontvangen, waaronder nieuws, actualiteiten, kinderprogramma's, sport
en documentaires. BVN-TV zendt in Europa uit via de Astra 1G en de
Eutelsat Hotbird 3, op de Antillen en Aruba op de diverse
kabelnetten en in de Verenigde Staten via Dish Network. In
Zuid-Amerika kan BVN-TV worden ontvangen via de Telstar 12.
Kontakpersoon: dr. Dan Roodt
082 490 1036
boontoe
MEDIAVERKLARING: NEDERLANDSE
TV-KANAAL VIR SUID-AFRIKA
Danksy bemiddeling deur PRAAG
(Pro-Afrikaanse Aksiegroep), asook die Vlaamse Parlementslid mnr.
Luk van Nieuwenhuysen, kan Suid-Afrikaners binne die afsienbare
toekoms 'n Nederlandse televisiekanaal te wagte wees.
Die kanaal heet BVN, ofte wel Beste van
Vlaandere en Nederland, en saai 'n verskeidenheid Vlaamse en
Nederlandse programme van hoogstaande gehalte uit, afkomstig van die
ses TV-kanale in die Lae Lande. Hoewel die kanaal per
satelliet gebeeldsaai word, is daar geen maandelikse
subskripsiekoste daaraan verbonde nie, aangesien dit gesubsidieer
word deur die Nederlandse en Vlaamse regerings.
Volgens die Vlaamse minister belas met
die media, mnr. Van Mechelen, word daar binnekort 'n nuwe
"beheersooreenkoms" tussen die Vlaamse Gemeenskap en BVN
afgesluit vir die twee jaar vanaf 1 Januarie tot 31 Desember 2002.
In die begroting is 'n krediet van 50 miljoen frank (ongeveer R10
miljoen) vir BVN opgeneem wat van Vlaandere afkomstig is.
Volgens die minister "is die bedoeling om die geografiese
bereik prioritêr na Suid-Afrika uit te brei".
Die kwessie van BVN-uitsendings na
Suid-Afrika is vir die eerste keer deur PRAAG geopper tydens 'n
besoek aan Nederland en Vlaandere in November 2000. Hierna het
mnr. Luk van Nieuwenuizen die saak opgeneem in die Vlaamse
Parlement, en daar is ook briewe aan die betrokke owerhede in
Vlaandere gerig. Tydens 'n opvolgbesoek van PRAAG in September
vanjaar, is die kwessie weer eens te berde gebring tydens 'n
inligtingsessie met Vlaamse Parlementslede in die Vlaamse Huis in
Brussel. Ook mnr. Roger Bryssinck van die Vriende van
Zuid-Afrika in Vlaandere het druk op die Vlaamse regering geplaas om
Suid-Afrika te oorweeg vir die volgende fase van uitbreiding vir
BVN.
Volgens dr. Dan Roodt van PRAAG is hulle
in hul noppies met die ontwikkeling. "Sover, so
goed," sê hy. "Die nuus is vir ons baie
bemoedigend, want dit verskaf aan Afrikaanstaliges, asook miljoene
ander mense in Suid-Afrika, nog 'n toeganklike alternatief vir die
oorwegend Angel-Saksiese TV wat ons in Suid-Afrika sien. Dit
behoort ook hegter bande met Vlaandere en Nederland te smee, wat
broodnodig is tans waar Afrikaans om oorlewing veg in
Suid-Afrika."
Mnr. Luk van Nieuwenhuysen het gemeen hy
"wil nie te vroeg oorwinning kraai nie, maar dit lyk tog asof
BVN kort voor lank in Suid-Afrika bekyk sal kan word."
Kontakpersoon: Dr. Dan Roodt 011 325
0817 sel 0824901036
PRAAG-MEDIAVERKLARING:
REAKSIE OP DA-DEBAKEL
PRAAG
(die Pro-Afrikaanse Aksiegroep) is by uitstek ‘n kultuurpolitieke
groepering wat nie regstreeks by die partypolitiek betrokke is nie.
Nietemin kan ons nie anders as om ons kommer uit te spreek
oor die huidige wanorde in die Opposisiepolitiek nie.
Omdat
Afrikaanssprekendes toenemend in die visier van die regerende party
is as ‘n sogenaamd “bevoordeelde” groep met ‘n
Westers-georiënteerde waardestelsel, kan hul verdere politieke
marginalisering met die induiestorting van die Demokratiese
Alliansie nie anders as om funeste gevolge te hê nie.
Ná die
verwagtinge wat geskep is met die totstandkoming van die
Demokratiese Alliansie, kon die huidige gebeure nie op ‘n slegter
tyd gekom het nie. Die
effek daarvan is nie net demoraliserend vir opposisiekiesers nie,
maar vir almal wat gehoop het dat Suid-Afrika die status van ‘n de
facto eenpartystaat gaan vryspring.
Mnre. Tony Leon en Marthinus van Schalkwyk het met hul
kleinlike stryd om leierskap en status binne die DA meer gedoen om
die land nader te bring aan ‘n opposisielose eenpartystaat as
enigeen in die regerende ANC.
Die
gerugte dat mnr. Marthinus van Schalkwyk reeds samesprekinge met
dieANC gevoer het ten einde ‘n NNP-ANC-alliansie te skep, sou,
indien dit gefundeer blyk te wees, neerkom op verraad teenoor sy eie
kiesers. Dit is
sekerlik nie toevallig dat mnr. Van Schalkwyk as ‘n reël nooit
Afrikaans praat nie, want hierdie ontkenning van sy eie afkoms pas
inderdaad goed by die werklikheidsontkenning van sy huidige politiek.
Dog mnr.
Tony Leon en die kultus wat hy voortdurend poog om rondom sy eie
persona te skep, is ewe skuldig as Van Schalkwyk as dit kom by die
huidige skipbreuk van die opposisie.
Nie net openbaar hy ‘n sonderlinge gebrek aan nuwe idees
nie, maar dit wil voorkom asof hy die land deur die oë van Houghton
sien en asof die DA steeds oorheers word deur die ou PFP-kliek wie
se mees kenmerkende eienskap nog altyd was dat hulle neergesien het
op almal in die land behalwe gegoede Engelssprekendes in die
stedelike gebiede.
Dit is
dringend nodig dat ‘n alternatiewe opposisieparty of –alliansie
tot stand kom wat gebaseer sou wees op die volgende:
- ‘n
sterk strewe na ‘n federale bestel in Suid-Afrika met ‘n
devolusie van mag ten einde die huidige sentralistiese en
etniese oorheersing uit te skakel;
- ‘n
kultuur van tradisionele Suid-Afrikaanse patriotisme met ‘n
sterk klem op Afrikaans as ‘n samebindende faktor, teenoor die
Engelstalige pan-Afrikanisme van die ANC en sy alliansievennote;
- 'n
terugkeer na wet en orde, eerder as die tipies Afrikanistiese
aanhang van menseregte-ideale wat in die praktyk nie die papier
werd is waarop dit geskryf is nie omdat die stelsel eenvoudig
besig is om in duie te stort;
- ‘n
gepaste mate van selfbeskikking vir dié groepe in die land wat
dit verlang, soos byvoorbeeld seggenskap oor eie onderwys.
Die hele
Suid-Afrikaanse politieke landskap word gekenmerk deur ‘n byna
volslae gebrek aan leierskap. Mbeki
kan kwalik ernstig opgeneem word as die president van ‘n land met
‘n redelike groot ekonomie en infrastruktuur, gegewe sy vele
flaters oor VIGS en ander kwessies, maar ook sy nostalgiese
napratery van die mees uitgediende begrippe van die pan-Afrikanisme
en swart nasionalisme. Sy
statuur sou veel meer gepas gewees het vir ‘n land soos Zambië
wat van donateursfondse afhanklik is, eerder as Suid-Afrika vir wie
hy ‘n konstante verleentheid is.
Onses
insiens is die situasie nie so hopeloos as wat die meeste mense dit
voorstel nie, en kán die mag van die ANC by die stembus of by die
onderhandelingstafel gebreek word.
Dit sou egter ‘n kombinasie van verbeeldingrykheid, nuwe
idees en politieke onverskrokkenheid verg waaroor die huidige geslag
opposisiepolitici kennelik nie beskik nie.
Die mees kommerwekkende gedagte van byvoorbeeld mnr. Van
Schalkwyk se ouvertures in die rigting van die ANC is dat hy handel
in eiebelang, en nie in dié van sy kiesers nie.
Ook mnr. Leon is meer begaan oor sy eie magsposisie binne die
party as om samehorigheid en konsensus te bevorder.
PRAAG
doen ‘n beroep op alle belanghebbendes om ernstig te besin oor die
krisis wat Suid-Afrika in die gesig staar met die opposisie wat soos
‘n sandkasteel wegsmelt. Sonder
sterk en doeltreffende opposisie het ons geen toekoms nie.
Kontakpersoon:
Dr. Dan Roodt 011 325 0817 (kantoorure) of 082 490 1036
boontoe
Mediaverklaring
uitgereik deur die Pro-Afrikaanse Aksiegroep (PRAAG) op Dinsdag 22
Januarie 2002:
Hiermee wil PRAAG almal gelukwens wat
deelgeneem het aan die aksie om die Nederlandstalige BVN-kanaal na
Suid-Afrika te bring. Ons wil ook ons dank uitspreek teenoor
die Nederlandse en Vlaamse regerings wat gehoor gegee het ons
oproepe om BVN (Beste van Vlaandere en Nederland) plaaslik
beskikbaar te stel.
Die kanaal sal vanaf 1 Februarie
beskikbaar wees op DSTV as deel van die standaard-boeket, betyds
om die Nederlandse koninklike huwelik op 2 Februarie in direkte
uitsending mee te maak. Mev. Van Assum, ambassadrise van
Nederland in Suid-Afrika, het in 'n verklaring gesê dat sy
"verheug" is oor die verwikkeling.
Mnr. Luk van Nieuwenhuysen,
Ondervoorsitter van die Vlaamse Parlement, het die kwessie
verskeiere kere in die Vlaamse Parlement geopper. PRAAG self
het tydens twee besoeke aan die Lae Lande, in November 2000 en in
September 2001 'n pleidooi gelewer teenoor die Nederlandse
Taalunie, asook politici, dat Afrikaanstaliges behoefte het aan 'n
alternatief vir die Engelse kanale en programme waarmee hulle
oorspoel word. Plaaslik in Suid-Afrika is samesprekings
gevoer met M-Net ten einde hul belangstelling in die projek aan te
wakker deur mnr. Carel van der Merwe van PRAAG.
Weer eens het PRAAG getoon dat
taalaksies nie vergeefs is nie, en dat die haglike situasie waarin
Afrikaans hom bevind, omgekeer kan word mits Afrikaanssprekendes
betrokke raak om hul taal te verdedig en te bevorder. Veel
groter betrokkenheid is nodig om binnelandse miskenning en
vertrapping van Afrikaans, beide van die owerheid en die
privaatsektor, uit die weg te ruim.
Tydens die 350-jarige herdenking van
Van Riebeeck se koms na die Kaap, sal dit gepas wees vir
Afrikaanssprekendes om hul kulturele bande met Nederland en
Vlaandere te versterk. Dit is ook nodig dat Afrikaanse
TV-programme opgeneem word in BVN, sodat die wisselwerking tussen
Nederlanders, Vlaminge en Afrikaners nie net in een rigting
plaasvind nie.
Die bestuur van BVN het die
volgende verklaring uitgereik:
Lodewijk Bouwens, voorzitter van
BVN-TV, is tevreden over de voorspoedige distributie van BVN-TV:
"BVN-TV is nu al te ontvangen in meer dan 100 landen in
Europa, Noord Afrika, het Midden-Oosten, de Antillen en Aruba, de
Verenigde Staten en Zuid-Amerika. Ook hopen wij binnenkort de
distributie van BVN-TV in Canada definitief te maken."
BVN-TV is een samenwerkingsverband van de NOS, de VRT en de
Wereldomroep. Nederlandstaligen in het buitenland kunnen via
BVN-TV televisieprogramma's van de Nederlandse en Vlaamse publieke
omroepen ontvangen, waaronder nieuws, actualiteiten,
kinderprogramma's, sport en documentaires. BVN-TV zendt in Europa
uit via de Astra 1G en de Eutelsat Hotbird 3, op de Antillen en
Aruba op de diverse kabelnetten en in de Verenigde Staten via Dish
Network. In Zuid-Amerika kan BVN-TV worden ontvangen via de
Telstar 12.
Kontakpersoon: dr. Dan
Roodt 082 490 1036
boontoe
MEDIAVERKLARING N.A.V. KLAGTES OOR
ENGELSE SENSUSVORMS
Na verskeie klagtes oor Engelse
sensusvorms wat aan Afrikaanssprekendes gegee is tydens die
huidige sensus, het PRAAG navraag gedoen by Statistiek
Suid-Afrika.
Volgens SSA is slegs 600 000
Afrikaanse vorms gedruk wat hoofsaaklik in die Noord-Kaap en
Wes-Kaap versprei is. Elke streek beskik egter oor
Afrikaanse vorms wat op aanvraag beskikbaar is.
PRAAG doen hiermee 'n beroep op elke
Afrikaanssprekende om geen sensusvorm in te vul, tensy dit in
Afrikaans beskikbaar gestel word nie. Daar is vyf en 'n
half miljoen Afrikaanssprekendes in Suid-Afrika, teenoor drie
miljoen Engelssprekendes, en dié feit dat daar so min
Afrikaanse vorms gedruk is, spreek van 'n provokatiewe graad van
burokratiese vermetelheid.
Die hovaardige manier waarop
Statistiek Suid-Afrika besig is om die land te oorspoel van
Engelse vorms, o.a. in die Vrystaat waar Afrikaans steeds die
lingua franca is, asook in Gauteng waar Afrikaanssprekendes 20%
van die bevolking uitmaak, is maar net nog 'n voorbeeld van die
Afrikaansvyandige beleid van die huidige bewind.
PRAAG wil dit ook onder die aandag
van die Afrikaanse publiek bring dat die gegewens van die 1939
Sensus in Nederland deur die Nazi's tydens die Duitse Besetting
gebruik is om die Jode te vervolg. Besonderhede wat op die
huidige vorms verstrek word, mag in die toekoms onder 'n
geradikaliseerde Afrikanistiese bewind soos dié van Robert
Mugabe gebruik word om etniese en ander vervolging moontlik te
maak. Dit is dus vir elke Afrikaanssprekende om te besluit
of hy of sy hom/haar aan dié risiko wil blootstel.
Kontakpersoon: Dr. Dan Roodt
082 490 1036
PRAAG (die Pro-Afrikaanse
Aksiegroep) distansieer hom hiermee van die verklaring wat
vandag deur die Aksiegroep vir Hoër Onderwys (AHO) uitgereik is
ná sy ontmoeting met die Gerwelkommissie. Ons deelname
aan die AHO word hiermee tot verdere kennisgewing opgeskort.
PRAAG, anders as die AHO, het
beginselbesware teen die Gerwelverslag, ongeag die
"bewoording" waarmee die AHO blykbaar 'n ongemak het.
Hierdie besware kom kortliks neer op die volgende:
- die Mugabeagtige tipering van
Afrikaanse studente as "setlaar-koloniste";
- die gedagte dat die status quo
van snelle verengelsing en marginalisering van Afrikaans bloot
gehandhaaf hoef te word ten einde die probleem aan die
universiteite op te los;
- die ongrondwetlike voorkeur wat
die Gerwelkommissie uitspreek vir Engels wat as
"bindingstaal" gesien word, waarby die beskrywing
van Suid-Afrika as "anglofone land" inbegryp moet
word;
- die idee dat onderrig in
Afrikaans 'n voorreg is wat "mag" geskied, terwyl
dit ons onvervreembare reg is.
PRAAG betreur die kruiperige houding
wat die AHO teenoor die Gerwelkommissie inneem, en glo dat
solidariteit tussen Afrikaanse organisasies nie nagestreef kan
word ten koste van Afrikaans en die uiteindelike doelwit nie.
PRAAG sal voortgaan om Afrikaanse
studente in te lig aangaande hul internasionaal-erkende taal- en
kultuurregte. Ons doen verder 'n beroep op alle studente
en jongmense om 'n stryd vir Afrikaans te stry daar waar die
ouer geslag reeds in 'n groot mate gekapituleer het en steeds
kapituleer soos blyk uit die ontmoeting tussen die AHO en die
Gerwelkommissie.
Kontakpersoon: Dr. Dan Roodt
082 490 1036 of 011 325 0817
boontoe
Hiermee reik die Pro-Afrikaanse
Aksiegroep (PRAAG) die volgende mediaverklaring uit oor die
Gerwel-kommissie se verslag op Vrydag 7 September 2001 om 10-uur
vm.:
Die aanvanklike vrees wat PRAAG
uitgespreek het, naamlik dat die Gerwel-komitee gelaai was met
mense wat in die totalitêre dampkring van ANC- en SAKP-denke
verkeer, blyk gegrond te gewees het deur die verslag self wat
wemel van ideologiese aannames wat die oplossing van die
taalvraagstuk aan Afrikaanse universiteite onmoontlik maak.
In die eerste instansie word
Afrikaanse studente beskou as "setlaar-koloniste" wat
dan sou impliseer dat swart studente wat meesal Engels as
onderrigtaal verkies "meer inheems" as Afrikaanse
studente sou wees. Dit skep 'n rangorde van regte wat die
Afrikaanse student in 'n tweedeklasposisie plaas waarbinne sy
taalregte wat veronderstel is om in die Grondwet verskans te
wees, effektief skaakmat gestel word.
In reaksie op die aanspraak deur die
Gerwelkommissie dat swart Engelse studente - waarvan sommige
afkomstig is uit lande buite Suid-Afrika en waarvan die ouers
nog nooit 'n sent bygedra het tot die fiskus nie - "meer
inheems" is as Afrikaanse setlaar-koloniste, herinner PRAAG
graag die Gerwel-kommissie daaraan dat die teenwoordigheid van
sprekers van Bantoe-tale wat tans boonop pretendeer om
Engelssprekend te wees, antropologies resent is in
Suider-Afrika. Die waarheid is dat swartmense, net soos
Afrikaners, "setlaars" in Suid-Afrika is wat oor die
afgelope paar honderd jaar veral die KhoiSan-volkere van
jagter-versamelaars uit hul tradisionele grondgebied verdryf
het. Indien enige rasse- of etniese groep in Suid-Afrika
sou moes aanspraak maak op inheemsheid, sou dit die KhoiSan moes
wees.
Toevallig is Afrikaans ook die
opvoedkundige taal van die nasate van die KhoiSan. Dat
Afrikaans nou as "setlaarsdialek" gesien word deur die
Gerwel-kommissie beteken dus dat die omgangstaal van die
"eerste mense" van Suid-Afrika nou beskou word as
uitheems terwyl Engels, 'n imperiale en koloniale taal wat in
Suid-Afrika met wapengeweld en selfs volksmoord gevestig is, die
voorkeurtaal van die "inheemses" geword het.
Hierdie gedagte is so absurd dat net uitgedink kon gewees het
deur 'n komitee met as hoof iemand wat steeds weier om die
kommunistiese goelag te erken vir die misdaad teen die mensdom
wat dit was.
PRAAG, asook die Afrikaanse
studentebevolking in sy geheel, verwerp die tipering van
Afrikaners en Afrikaanssprekendes as
"setlaar-koloniste" met die minagting wat dit verdien
en eis 'n verskoning van die Gerwel-komitee vir hierdie
afstootlike en rassistiese benaming wat ontleen is aan die
Afrikanistiese delirium van 'n Robert Mugabe. Sulke taal
is enige ministeriële kommissie onwaardig.
Dieselfde geld die gedagte dat
Engels 'n "bindingstaal" is, en nie Afrikaans nie.
In die woorde van Jan Rabie is Afrikaans die "enigste
geslaagde veelrassige projek in Suid-Afrika"; meer mense
van alle rassegroepe praat Afrikaans as enige ander taal.
Dit is ook by uitstek die taal wat aan Suid-Afrikaners 'n
spesifieke identiteit gee wat verskil van die res van Afrika
waar Engels, Frans en Portugees as omgangstale gebruik word.
Die gedagte dat Afrikaans, soos
dit in die verslag gestel word, "vir die meerderheid
Suid-Afrikaners waarskynlik in die eerste plek en bowenal
assosiasies van diskriminasie, verdrukking en die sistematiese
vernedering van ander oproep" word insgelyks verwerp as
propagandisties, anti-Afrikaans en gebaseer op bourgeois Engelse
stereotipes wat ter bevordering van Engels versprei word.
Teenoor die enkele faux pas wat 'n
regse Minister van Bantoe-Onderwys, mnr. Andries Treurnicht, in
1976 begaan het, moet die tweehonderdjarige verdrukking en
marginalisering van Afrikaans onder opeenvolgende Engelse en
imperiale bewinde - die huidige comprador Engelse bewind met sy
eentalige koloniale Onderwysminister hierby ingesluit - gestel
word. Teenoor die "regse kolonialisme" van 'n
honderd jaar gelede soos dit bedryf is deur die Victoriaanse
Tories, staan die "linkse kolonialisme" van die
huidige bewind wat Engels inderdaad meer aggressief bevorder as
enige historiese Britse bewind. Die verdere gepoogde
stigmatisering van Afrikaans deur die Gerwel-kommissie toon die
vooroordeel en vyandigheid van die komitee teenoor die taal, en
is nog 'n blyk van die ontoepaslike en inkompetente samestelling
daarvan.
Die praktiese voorstelle van die
komitee, in terme waarvan Afrikaans uit stedelike universiteite
gedryf sal word om hoofsaaklik in twee landelike universiteite
gedoseer te word, spruit uit sy ideologiese, rassistiese en
etniese vooroordeel teenoor Afrikaans in terme waarvan Engels as
"bindingstaal" bevorder moet word. Die
Universiteit van Pretoria, met 16 000 Afrikaanse studente - wat
dit die grootste Afrikaanse universiteit in die land maak - word
nou amptelik as 'n "Engelstalige universiteit" gesien
deur die komitee. In dié verband is onlangse voorstelle
om die naam daarvan te verander na "Tshwane
University" veelseggend.
Volgens persberigte werk die verslag
verdelend in op die vyf Afrikaanse universiteite, omdat
Potchefstroom en Stellenbosch daardeur bevoordeel word.
Alle verwagtinge is dat Afrikaanse studente "met hulle
voete gaan stem" en die drie universiteite wat in effek vir
verdere verengelsing gebrandmerk is, in groot getalle gaan
verlaat.
PRAAG doen hiermee 'n beroep op die
rektore, dosente en studente om groter solidariteit te toon in
die aangesig van 'n ernstige bedreiging vir Afrikaans as
wetenskaps- en opvoedkundige taal wat deur die Minister se
Afrikaansvyandige uitlatings ontketen is. (Die
Gerwel-kommissie is immers aangestel vanweë die ontsteltenis
wat die Hoër Onderwysplan onder Afrikaanssprekendes ontketen
het.) Nou is die tyd vir alle Afrikaanse instellings,
kultuurorganisasies en die breë Afrikaanse publiek om saam te
staan en ons kultuurerfenis te verdedig teen 'n vyandige en
koloniale bewind.
In die voorlegging van PRAAG aan die
Gerwel-kommissie is dit pertinent gestel dat die enigste
langtermynoplossing vir die taalkrisis in die hoër onderwys,
maar ook in die skole, die oprigting van 'n outonome Afrikaanse
Onderwysdepartement is wat naas die huidige Engelse departement
kan funksioneer. Die hovaardige ordening van Afrikaanse
instellings deur 'n Engelstalige minister met min of geen begrip
vir die probleme van die Afrikaanse kultuurgemeenskap nie, druis
reëlreg in teen internasionaal aanvaarde norme van demokrasie
en kulturele outonomie.
Eerder as wat die Gerwel-kommissie
'n oplossing gebring het vir die taalkrisis aan ons
universiteite, het dit dit vererger met sy links-koloniale
uitsprake oor Afrikaans en verdeel-en-heers-strategie teenoor
die universiteite. Ons doen 'n beroep op alle
belanghebbendes om te agiteer vir kulturele outonomie en
inspraak in ons eie instellings ten einde die huidige
taaloorheersing te beëindig.
Uitgereik deur nasionale PRAAG,
asook die volgende kampusverenigings:
PRAAG-Tuks
PRAAG-RAU
PRAAG-Potch
PRAAG-Bloemfontein
Kontakpersone:
Nasionale PRAAG: Dr. Dan Roodt
0824901036
PRAAG-Tuks: Hanlie van
Jaarsveld 0829035746
boontoe
MEDIAVERKLARING
GERWELVERSLAG 7 SEPTEMBER 2001
Hiermee reik die Pro-Afrikaanse
Aksiegroep (PRAAG) die volgende mediaverklaring uit oor die
Gerwel-kommissie se verslag op Vrydag 7 September 2001 om 10-uur
vm.:
Die aanvanklike vrees wat PRAAG
uitgespreek het, naamlik dat die Gerwel-komitee gelaai was met
mense wat in die totalitêre dampkring van ANC- en SAKP-denke
verkeer, blyk gegrond te gewees het deur die verslag self wat
wemel van ideologiese aannames wat die oplossing van die
taalvraagstuk aan Afrikaanse universiteite onmoontlik maak.
In die eerste instansie word
Afrikaanse studente beskou as "setlaar-koloniste" wat
dan sou impliseer dat swart studente wat meesal Engels as
onderrigtaal verkies "meer inheems" as Afrikaanse
studente sou wees. Dit skep 'n rangorde van regte wat die
Afrikaanse student in 'n tweedeklasposisie plaas waarbinne sy
taalregte wat veronderstel is om in die Grondwet verskans te wees,
effektief skaakmat gestel word.
In reaksie op die aanspraak deur die
Gerwelkommissie dat swart Engelse studente - waarvan sommige
afkomstig is uit lande buite Suid-Afrika en waarvan die ouers nog
nooit 'n sent bygedra het tot die fiskus nie - "meer
inheems" is as Afrikaanse setlaar-koloniste, herinner PRAAG
graag die Gerwel-kommissie daaraan dat die teenwoordigheid van
sprekers van Bantoe-tale wat tans boonop pretendeer om
Engelssprekend te wees, antropologies resent is in Suider-Afrika.
Die waarheid is dat swartmense, net soos Afrikaners,
"setlaars" in Suid-Afrika is wat oor die afgelope paar
honderd jaar veral die KhoiSan-volkere van jagter-versamelaars uit
hul tradisionele grondgebied verdryf het. Indien enige
rasse- of etniese groep in Suid-Afrika sou moes aanspraak maak op
inheemsheid, sou dit die KhoiSan moes wees.
Toevallig is Afrikaans ook die
opvoedkundige taal van die nasate van die KhoiSan. Dat
Afrikaans nou as "setlaarsdialek" gesien word deur die
Gerwel-kommissie beteken dus dat die omgangstaal van die
"eerste mense" van Suid-Afrika nou beskou word as
uitheems terwyl Engels, 'n imperiale en koloniale taal wat in
Suid-Afrika met wapengeweld en selfs volksmoord gevestig is, die
voorkeurtaal van die "inheemses" geword het.
Hierdie gedagte is so absurd dat net uitgedink kon gewees het deur
'n komitee met as hoof iemand wat steeds weier om die
kommunistiese goelag te erken vir die misdaad teen die mensdom wat
dit was.
PRAAG, asook die Afrikaanse
studentebevolking in sy geheel, verwerp die tipering van
Afrikaners en Afrikaanssprekendes as "setlaar-koloniste"
met die minagting wat dit verdien en eis 'n verskoning van die
Gerwel-komitee vir hierdie afstootlike en rassistiese benaming wat
ontleen is aan die Afrikanistiese delirium van 'n Robert Mugabe.
Sulke taal is enige ministeriële kommissie onwaardig.
Dieselfde geld die gedagte dat Engels
'n "bindingstaal" is, en nie Afrikaans nie. In die
woorde van Jan Rabie is Afrikaans die "enigste geslaagde
veelrassige projek in Suid-Afrika"; meer mense van alle
rassegroepe praat Afrikaans as enige ander taal. Dit is ook
by uitstek die taal wat aan Suid-Afrikaners 'n spesifieke
identiteit gee wat verskil van die res van Afrika waar Engels,
Frans en Portugees as omgangstale gebruik word.
Die gedagte dat Afrikaans, soos
dit in die verslag gestel word, "vir die meerderheid
Suid-Afrikaners waarskynlik in die eerste plek en bowenal
assosiasies van diskriminasie, verdrukking en die sistematiese
vernedering van ander oproep" word insgelyks verwerp as
propagandisties, anti-Afrikaans en gebaseer op bourgeois Engelse
stereotipes wat ter bevordering van Engels versprei word.
Teenoor die enkele faux pas wat 'n
regse Minister van Bantoe-Onderwys, mnr. Andries Treurnicht, in
1976 begaan het, moet die tweehonderdjarige verdrukking en
marginalisering van Afrikaans onder opeenvolgende Engelse en
imperiale bewinde - die huidige comprador Engelse bewind met sy
eentalige koloniale Onderwysminister hierby ingesluit - gestel
word. Teenoor die "regse kolonialisme" van 'n
honderd jaar gelede soos dit bedryf is deur die Victoriaanse
Tories, staan die "linkse kolonialisme" van die huidige
bewind wat Engels inderdaad meer aggressief bevorder as enige
historiese Britse bewind. Die verdere gepoogde
stigmatisering van Afrikaans deur die Gerwel-kommissie toon die
vooroordeel en vyandigheid van die komitee teenoor die taal, en is
nog 'n blyk van die ontoepaslike en inkompetente samestelling
daarvan.
Die praktiese voorstelle van die
komitee, in terme waarvan Afrikaans uit stedelike universiteite
gedryf sal word om hoofsaaklik in twee landelike universiteite
gedoseer te word, spruit uit sy ideologiese, rassistiese en
etniese vooroordeel teenoor Afrikaans in terme waarvan Engels as
"bindingstaal" bevorder moet word. Die
Universiteit van Pretoria, met 16 000 Afrikaanse studente - wat
dit die grootste Afrikaanse universiteit