Tans woed daar in die VSA 'n polemiek rondom 'n professor van etniese studies aan die Universiteit van Colorado, Ward Churchill. Hy gee voor om iets te wees wat hy nie is nie en maak gereeld anti-Amerikaanse en anti-blanke uitsprake waarin hy geweld teen sy eie land bepleit.

Churchill geniet die steun van sommige intellektuele aan die ekstreem-linkse kant van die politieke spektrum, soos byvoorbeeld die radikale taalkundige Noam Chomsky.

Churchill doen homself as 'n Indiaan voor, maar is van blanke afkoms. Aanvanklik het hy beweer dat hy oor een-sestiende Indianebloed beskik, toe is dit afgewater na een-vier-en-sestigste en tans sê hy bloot dat sy Indiane-afkoms "nog altyd 'n bekende feit in sy familie" was.

Die punt aangaande dié onsekere afkoms, is dat Churchill kennelik 'n geweldige identiteitskrisis beleef, 'n identiteitskrisis wat aan die wortel van sy anti-blanke en anti-Westerse uitsprake lê. Volgens hom was Christopher Columbus die "Eichmann van Amerika" wat die Indianebevolking uitgeroei het.

Dit klink asof Churchill 'n goeie lid van ons Lieg-en-biegkommissie sou kon gewees het, want sy talent vir onredelike oordrywing as dit by die geskiedenis van Amerikaanse rasseverhoudinge kom is buitengewoon. Alle blankes is Nazi's omdat hulle oor die afgelope paar eeue die minder ontwikkelde volke van die wêreld verower, uitgebuit en uitgewis het.

Die aanval van 11 September 2001 op die World Trade Centre het hom verheug en hy het dit gesien as die begin van weerwraak op Amerika vir al haar wandade. Nie net sien Churchill uit na die uitwissing van 'n groot deel van sy landgenote nie, maar hy is ten gunste van die verowering van die hele Noord-Amerika om blankes daar te verdryf.

Churchill word in die VSA beskou as een van die mees radikale intellektuele omdat hy 'n voorstander is van anti-blanke geweld. Hiervoor kom hy dan ook tans onder skoot. Maar sulke uitsprake beskou hy as beoefening van vrye spraak.

Met die grootskaalse oorwinning van Links in Suid-Afrika oor die afgelope tien jaar, het soortgelyke anti-blanke en anti-Westerse radikalisme by ons skerp toegeneem. Enkele jare gelede was daar die polemiek oor "subliminale rassisme" wat deur die sogenaamde Braude-verslag van die SA Menseregtekommissie ontketen is. Dieselfde Menseregtekommissie het aanvanklik bevind dat die slagspreuk "kill a Boer, kill a farmer" nie haatspraak verteenwoordig nie, maar vryheid van spraak.

Wie is die leidende anti-blanke blankes in Suid-Afrika, soortgelyk aan Churchill? Onwillekeurig dink mens aan die skryfster Marlene van Niekerk wat tydens 'n lesing verlede jaar aan Wits 'n pleidooi vir "bloed" gelewer het om "die onregte van die verlede" te reinig. Haar kollega aan Stellenbosch, Yvonne Malan, wat insgelyks 'n veldtog teen blanke mans voer - met die uitsondering van kommunistiese blanke mans soos Braam Fischer - sou 'n ander kandidaat wees vir insluiting in die Suid-Afrikaanse klub vir anti-blanke radikaliste. Die joernalis van Rapport, Annemarie Mischke wat deesdae maar stillerig is, is insgelyks bekend om haar haat vir alles en almal wat wit en Afrikaans is.

In joernalistieke geledere wemel dit eintlik van ons eie Ward Churchills. Die redakteur van Die Burger, Arrie Rossouw, het 'n tyd gelede beweer dat "apartheid Vigs veroorsaak het" en sy kollega Tim du Plessis van Rapport het 'n paar jaar gelede in Beeld insgelyks alle blanke Afrikaners met Nazi's vergelyk.

Vergelykings met Adolf Hitler en die Nazi's is die standaardargument by anti-blanke blankes, as 'n mens dit 'n argument kan noem. Ook Ward Churchill is voortdurend besig om alle blanke Amerikaners met Nazi's gelyk te stel.

Volgens dié anti-Westerse radikaliste sou Afrika 'n beter plek gewees het sonder enige Westerse invloed en verdien die kontinent se huidige blanke inwoners om óf verdryf óf uitgewis te word. Sulke mense verteenwoordig in Suid-Afrika maar 'n baie klein persentasie van alle blankes. Omdat hulle so goed aan die universiteite en in die media ingegrawe is, oefen hulle egter groot invloed uit as dit kom by die propagering van anti-blanke haat.