Thabo Mbeki is glo hoogs tevrede met die toestand wat hy by Tukkies aangetref het. Daar is reeds 40% swart studente (43% nagraads) en hulle is onstuitbaar op pad om die meerderheid op die kampus te vorm.

Ons weet ook dat Afrikaans die afgelope jare aan die UP geweldig agteruitgegaan het. Selfs in die Afrikaanse departement word 75% van alle lesings deesdae in Engels aangebied onder leiding van die departementshoof, prof. Hein Willemse. Dat Afrikaans aan die Universiteit van Pretoria kwyn, verskaf sekerlik verdere vreugde aan die ANC-president.

Die ANC se langtermynplan met Tukkies is deursigtig en word reeds openlik gepropageer: om van die universiteit 'n sogenaamde "Afrika-universiteit" te maak. Diegene wat enigiets van universiteite elders in Afrika weet, sal besef dat gehalte van opleiding of hoë standaarde gewoonlik nie met "Afrika-universiteite" geassosieer word nie. Veel eerder dien Afrika-universiteite die ideologiese doeleindes van Afrika-regerings en word sulke plekke dikwels met burgerlike onrus en opstokery geassosieer. Vele rebellebewegings het al hul oorsprong op die kampusse van Afrika-universiteite gehad.

Moontlik het ons reeds die begin hiervan in die onlangse betogings by Tukkies waar slagspreuke soos "Maak al die wittes dood!" geskree is, gesien.

Binne die groter prentjie weet ons dat die ANC nog altyd Pretoria en omgewing as 'n vyandelike vesting gesien het en stelselmatig besig is om sy ondersteuners daar in te voer. Deur die UP te verswart, word verseker dat die omgewing ook met tienduisende jong swartes bevolk word wat vorentoe sy politieke hegemonie in die gebied sal verseker. Die naamsverandering verteenwoordig nog 'n element wat moet verseker dat blanke Afrikaners uit Pretoria verdryf word en met rasbewuste swart ondersteuners van die ANC vervang moet word.

Hoe het dit gebeur dat Tukkies eenvoudig maar boedel oorgegee het? Die huidige geslag akademici moet in 'n groot mate die skuld hiervoor kry. Sedert Johan van Zyl die rektor van die UP was, is daar stelselmatige verraad jeens die Afrikaanse en blanke student gepleeg deur die invoer van geheime rassekwotas, die afskaling van Afrikaans, bedekte of onbedekte rassediskriminasie teen blanke studente, inmenging in die studentepolitiek deur die universiteitsowerheid, en so meer.

In enige plan om Pretoria en sy naam te red, sal die posisie van die universiteit ook sorgvuldig oorweeg moet word. Afrikaners sal ook die groep akademiese verraaiers wat hul eie neste uitveer deur ons jongmense namens die ANC van hul kampus te verdryf, moet begin teiken vir openbare kritiek.

Ons mag nie toelaat dat Mbeki vir altyd so ingenome met ons ondergang bly nie.