Die Springbokrugbyspan het so pas die grootste neerlaag in sy geskiedenis teen Australië gely met 'n telling van 49-0. In rugbygeledere gaan stemme reeds op dat die span se afrigter, Jake White, moet bedank.

Sedert die ANC en SAKP in die vroeë jare sestig op hul sogenaamde "gewapende stryd" van stedelike terreur besluit het, was SA sport en veral rugby in hul visier. Met die Wêreldbeker in 1995 het Nelson Mandela die patriotiese gevoelens van blankes en veral Afrikaners skaamteloos uitgebuit deur hom as 'n ondersteuner van die span voor te doen.

Sedertdien het die ware aard van die ANC se sportpolitiek na vore getree in die vorm van rassetransformasie, spelers wat nie meer Afrikaans mag praat nie, beskuldigings van rassisme teen Geo Cronjé en ander spelers, asook die politieke aanstelling van rugby-administrateurs.

Rugby, en in 'n mindere mate krieket, is net gebruik om die afskuwelike onderbroekvlag wat met dié van die Stille-oseaaneiland Vanuatu ooreenstem, te vestig. Noudat rugby sy doel gedien het, gaan die sport soos 'n uitgesuigde lemoen weggesmyt word. Daar loop reeds gerugte dat die stadions wat deur rugby-ondersteuners gebou is, in die toekoms vir sokker gebruik gaan word.

As ons eerlik is, moet ons erken dat Springbokrugby soos ons dit geken het, tot die verlede behoort. Die dae van Frik du Preez, Mannetjies Roux en ander legendes, maar ook die beginsel dat spelers op meriete gekies word, is verby solank as wat die ANC hierdie land gaan regeer.

Afrikaners moet die moontlikheid ondersoek om hul eie internasionale span op die been te bring, wat selfs iewers in die buiteland geregistreer mag wees.

Ons boodskap aan die ANC behoort te wees: transformeer die span sommer nou, voor die pad vol duwweltjies word! Laai dit met 80% swart spelers sodat SA rugby tot die dieptes van SA sokker kan daal. Verander gerus die naam van die Springbokspan na die AmaGazelles of iPlayers of watter ander naam ook al.

Naamsveranderings is mos hoog mode, nie waar nie?

Die positiewe sy van verloorrugby is dat die ANC van een van sy belangrikste ideologiese wapens ontneem is: daar bly geen opium vir die volk meer oor nie. Met die Springbokspan uit die pad, sal ons mense se oë moontlik begin oopgaan vir dinge soos geweldsmisdaad, taaldiskriminasie, korrupsie, rassebevoordeling, kortom, vir die werklikheid.

Hopelik hou die Springbokrugbyspan aan met verloor totdat iets nuuts in die plek daarvan kom, verkieslik 'n Afrikanerspan wat ons eie nasionale identiteit kan uitdruk. Rugby mag nie langer 'n speelbal in die hande van ANC-politici soos die sluwe Mandela wees nie.