Oranje-blanje-blou begroet naamsveranderings
Johannesburg
- Die gedenkbeeld aan die linkse aktivis en predikant, Beyers Naudé, voor die
Wesparkbegraafplaas is in oranje, wit en blou geverf. Die bekende D.F.
Malanrylaan in Johannesburg is enkele jare gelede met groot fanfare na Naudé
vernoem, waarna dié gedenkteken opgerig is.
Naamsveranderings is steeds oral in Suid-Afrika in volle swang en onlangs is aangekondig dat die name van vele dorpe in die Vrystaat gewysig gaan word. Nadat die ANC enkele jare gelede die versekering gegee het dat die Johannesburgse lughawe se naam nie weer verander sal word nie (voorheen was dit Jan Smutslughawe), is nou pas besluit dat dit voortaan as Oliver Tambolughawe bekend sal staan.
Om
saam te val met die naamsverandering in Louis Trichardt na Makhado, is 'n
beeldhouwerk van Koning Makhado in dié dorp aangebring. Enkele dae daarna is
dit egter oranje, wit en blou geverf deur inwoners wat oor die arbitrêre
naamsverandering ontevrede is. Intussen woed 'n kat-en-muisspel rondom 'n ander
standbeeld op die dorp, dié van Louis Trichardt wat aanvanklik deur die ANC
verwyder is, maar wat deur inwoners uit 'n pakkamer "bevry" is. Dié
standbeeld het reeds op verskeie plekke in die dorp opgeduik.
Suid-Afrika se huidige ANC-bewind is besonder sensitief vir die kleure oranje, wit en blou wat met die blanke regerings van die twintigste eeu geassosieer word. Daar was ook 'n uitdruklike opdrag dat oranje nie op die nuwe vlag wat in 1994 ingestel is, moet verskyn nie.
Sien ook ons mening oor dié kwessie.