Pretoria-naamstryd duur voort
Die
burgemeester van Pretoria, Vader Smangaliso Mkhatshwa is steeds vasbeslote om
met die naamsverandering van dié stad voort te gaan. Tydens die maandelikse
raadsvergadering het hy verklaar dat die ANC "erns het met die demokrasie"
en dat "al Tshwane se inwoners inspraak sal hê in die besluit."
Dit sou betekend dat nie net inwoners van Pretoria nie, maar ook die uitgebreide plakkergebiede tot 80 kilometer weg van Pretoria, en wat by die huidige metropolitaanse raad ingelyf is vanuit 'n heel ander provinsie, Noord-Wes, gebruik sou word om 'n meerderheid teen Pretorianers te verkry.
Nie net PRAAG nie, maar ook mnr. Cassie Aucamp van die Nasionale Aksie, het hom uitgespreek teen die "vroom praatjies" van burgemeester Mkhatshwa. Volgens Aucamp sal "sy voorgestelde demokratiese proses nie geldig wees nie en nie die toets van 'vry en regverdig' kan deurstaan nie."
Die leier van die Nasionale Aksie het uitgebrei deur te sê, "slegs Pretorianers mag oor die naam van Pretoria besluit."
Dr. Dan Roodt van PRAAG was in sy noppies met die reaksie tot dusver op die elektroniese petisie wat Woensdagaand 27 Augustus op www.praag.org geloods is teen die voorgestelde naamsverandering. Tot dusver is 420 petisies via die internet en selfone ontvang met ongeveer 500 name van beswaarmakers.
Die leier van PRAAG het Mkhatshwa se jongste verbintenis tot demokrasie afgemaak as 'n "gekonkel" en 'n verklaring uitgereik waarin o.a. die volgende gesê word:
Teenkanting teen die naamsverandering is ook voorheen deur die opposisiepartye in Pretoria uitgespreek, en uit sakegeledere waar daar veral kommer heers oor die kosteimplikasies van 'n naamsverandering. 29/09/05 03:09