|
Dis bekend
dat ekstremiste gedurende die twintigste eeu geredelik van rooi na
swart, of andersom, oorgeloop het. Die Nazi's se metodes is
grotendeels aan die Duitse Kommuniste ontleen en toe Hitler se
gewildheid begin styg het, het Rooies in Weimar-Duitsland en masse
na die NSDAP oorgeloop.
Verlede jaar
het 'n rooi stormtroep by name Yvonne Malan tydens die Braam
Fischer-debakel op die Stellenbosch-kampus ontpop. Maar hoe rooi is
Malan werklik, en hunker sy nie dalk na swart nie?
Diegene wat
haar Woensdagaand meegemaak het op die TV-program "Judge for
yourself", het verbaas opgemerk dat Malan rooi praat, maar
haarself swart gedra. Ook haar kleredrag was letterlik swart, in
nabootsing van die Duitse SS (Schutzstaffeln). Dis bekend dat die SS
tydens die Tweede Wêreldoorlog ook van vroulike hulptroepe gebruik
gemaak het, en heel moontlik het Malan haar uniform op hulle s'n
gemodelleer. Let ook op haar haarstyl, wat 'n sterk militêre inslag
toon, indien dit nie slaan op dié van Europese neo-Nazi-kaalkoppe
nie.
Malan is tans
berug as lid van 'n politieke faksie op Stellenbosch, die
"dames van weleer" oftewel DVW, soos hulle in Die Burger
deur 'n drietal Afrikaanse skrywers benoem is. Dat sy egter in haar
styl en taalgebruik 'n bepaalde hunkering na die politieke kultuur
"van weleer", dit is, Duitsland tydens die dertigjare
toon, is gewis. Het ons hier met 'n tipiese geval van
rooi-swart-identiteitskrisis te make?
In haar
huidige (en kortstondige?) rooi fase, besig Malan omtrent geen
Afrikaans nie en druk haarself ook in haar politieke geskrifte in
Engels uit. Kykers na Woensdagaand se TV-program was dus verbaas om
te hoor dat Yvonne Malan met 'n sterk Afrikaanse aksent, baie
soortgelyk aan dié van Eugene Terre'Blanche, gepraat het.
Verwysende na
Dan Roodt, het sy gesê: "Dis gaai ies frôm unadda
plênnit", asook: "Aai fink hiez jast from de old
Soufefrieka". Hoewel sy haarself uitgee vir 'n student in
filosofie of politieke wetenskap, is Yvonne Malan se argumente - of
eerder haar geskel - pure brandewyn en Coke. Selfs baie min Coke.
Haar lyftaal
het ook gespreek van 'n bepaalde bakarm-macho-allure wat insgelyks
aan dié van die Führer of sy Suid-Afrikaanse nabootser, Oom
Eugene, ontleen is.
Persone na
aan Yvonne Malan is bewus van hierdie tweeslagtigheid in haar
benadering tot die politiek. "Ek dink Yvonne besluit nog of sy
'n fascis of 'n kommunis wil wees. Sy hou van rooi retoriek, maar
verkies swart metodes, soos sensuur, boekverbrandery, en om af en
toe 'n skrywer of twee met die vuis by te dam."
Ons hier by
Praag-satire is bereid om te wed dat me. Malan binnekort die storm
wat in haar binneste woed, gaan oplos deur by die AWB aan te sluit.
Hoewel genoemde organisasie eerder bruin uniforms dra, sal Oom
Eugene sekerlik 'n swarthempbrigade vir die vroulike hulptroepe kan
skep.
Obersturmführer
Frau Yvonne Malan rapporteer vir diens, kameraad...
4 Maart 2005
Boontoe
|
