Redaksievergadering
van 'n Afrikaanse koerant
Anton Barnard
Piet (Redakteur): Koos-Koos,
praat gou met my oor hierdie berig.
Koos-Koos: Ja, meneer.
Piet: Wat het gebeur?
Koos-Koos: Meneer, drie
verdagtes het 'n plaas aangeval, die boer se honde vergiftig, sy
vrou verkrag, die boer met 'n strykyster gebrand, albei vermoor en
toe met die boer se bakkie weggejaag. Hulle het slagspreuke op die
mure van die opstal geverf wat dreig om nóg boere te vermoor. Die
polisie soek nog na die drie swartes.
Piet: Koos-Koos, ons sal
hierdie storie van jou heeltemal moet aanpas. Jy sal 'n kantberig
moet skryf oor armoede, asook verdrukking onder die
apartheidsregime. Maak seker jy haal 'n minister aan oor die stadige
pas van grondhervorming. Kry Grafika om vir jou 'n foto van 'n vet
boer te kombineer met een van brandmaer mense in Niger, sodat dit
lyk of dit een foto is. Ons wil simpatie wek vir die verdagtes.
Koos-Koos: Jy bedoel seker
die slagoffers, meneer.
Piet: Nee, die verdagtes. Die
voorval is die slagoffers se eie skuld.
Koos-Koos: Haai, meneer...
Piet: Gert in Navorsing
vertel my daar was 'n grondeis teen hulle plaas. Op 31 Junie 1908
het een van die plaaslike bevolking se voorouers water op die plaas
afgeslaan. Die gemeenskap voel hulle het 'n reg om die plaas oor te
neem omdat hulle voorouer dit met sy water-afslanery afgebaken het.
Hulle het tot die klam grond as 'n bewys by die Grondeise-kommissaris
ingedien. Die boer en sy vrou, die ou korrelkoppe, wou nie trek nie.
Koos-Koos: Ek dag die
afsnypunt vir grondhervorming was ná 1908, Junie het net dertig
dae, en hoe lank kan grond klam bly?
Piet: Moet nou nie die
publiek met die feite deurmekaar wil maak nie, man! Ons is nie hier
om die waarheid links en regs ydellik te wil gebruik nie! Het jy ons
koerant se leuse vergeet?
Koos-Koos: Uh...
Piet: Laat ek jou herinner:
"Vir goeie Broeders is gatkruip baas". Die boer en sy vrou
het daarna gesoek. Hulle was slegte Nuwe Suid-Afrikaners,
dinosourusse. O, ja, hierdie koerant praat nie van
"swartes" nie, of het jy vergeet? Dis "mense".
Koos-Koos: Maar, meneer, hoe
gaan die publiek nou weet vir wie om uit te kyk? Drie
"mense" in 'n bakkie kan ook drie plaasboere wees. Netnou
het ons nog boere se bloed op ons hande.
Piet: Nog 'n plaasmoord hier
en daar gaan niemand skade doen nie, en sal ook sommer nog 'n paar
plase vir hervorming beskikbaar maak. Dit is veel belangriker dat
ons nie op die verkeerde tone trap deur die ou SA-terminologie te
gebruik nie.
Koos-Koos: Goed, meneer.
Piet: Ek hou ook nie van die
"huisbraak en roof" in jou berig nie. Kom ons noem dit
eerder 'n "regstellende huisbesoek". Die bakkie is nie
gesteel nie, dit is "eienaarskap-getransformeer."
Koos-Koos: En die
verkragting, Meneer?
Piet: Het jy dan niks geleer
by daai kulturele sensitiwiteitsopleiding waarvoor ek so duur betaal
het nie? Verkragting is so 'n Eurosentriese begrip. Dis seker oor
jou vrou so op jou kop sit. Kry bietjie respek vir inheemse kulture,
man. Sannie!!!
Sannie (uitasem, knoop haar
bloes toe): Ja, meneer?
Piet: Skryf jy bietjie vir
ons 'n in-dieptestuk oor die skuld wat apartheid aan verkragtings
dra.
Sannie: Ek maak so. Ek sal
sommer 'n spotprent van HF Verwoerd by die artikel sit, met die
onderskrif: "Is hý die oorsaak?"
Piet (stralend van trots):
Wanneer laas het ons na jou salaris gekyk, Sannie?
Sannie: (giggel en bloos net)
Koos-Koos: Wat dink meneer
moet die opskrif wees?
Piet: Kom ons probeer:
"Suksesverhaal met blits-grondhervorming".
29 September 2005 03:09 AM
Boontoe
|