Outeur:
Kleinboer. Titel: Kontrei. Fiksie/roman. Uitgewer: PRAAG.
ISBN 0-9584635-4-9. Formaat: 205 x 140mm in sagteband,
gestik op 90g houtvrye papier. Kleinhandelprys: R130, BTW
ingesluit.
Kleinboer
se dualisme
“Kleinboer sê toe hy vir die eerste keer in die laat jare tagtig in
Yeoville ingetrek het, moes al sy bure toestemming gee dat
hy met die swart vrou met wie hy destyds getroud was daar
mag bly. Vandag is hy die enigste wit mens in die woonbuurt.
Hy leef in twee wêrelde, sê hy. Die swart wêreld waar hy
woon en die wit wêreld waar hy werk en soms saam met
vriende kuier.
Hy verwys na N.P. van Wyk Louw, wat skryf dat hy "haat en liefhet",
om hierdie dualisme te verduidelik.
In sy lewe het hy albei wêrelde nodig; die intellektuele Westerse boekewêreld
waarin hy grootgeword het en die gemaklike, ontspanne wêreld
van swart Yeoville. Hy kan nie sonder een van hulle klaarkom
nie. As hy in die een is, verlang hy na die ander.”
Uittreksel uit Pieter Malan se onderhoud
met Kleinboer, wat op 25 Januarie 2004 in Rapport verskyn
het.
Wat
sê die resensente van Kontrei?
“Kleinboer se Kontrei het verskyn in boekvorm en die
Afrikaanse kulturele werf sal nooit weer dieselfde kan wees
nie. Die ou meetsnoere
het op nuwe plekke geval, die grensdrade van die vaders is
verskuif. Hierdie 237 bladsye, met die roomwit omslag en die
netjiese Times New Roman-lettertipe het die literêre
bewussyn van ons volkie onherroeplik verander.”
Koos
Kombuis
“Hierdie boek is nie vlak nie, hoewel ‘n mens hom
seker maklik vlak kan lees, as blote pornografie met
teksversies ter versiering. Kleinboer analiseer homself deur
die loop van die boek heen; hy verander; hy skrik homself
tot dieper nadenke. Daar is heelwat wat tussen die lyne
gelees moet word, soos ‘n onverklaarde maar betekenisvolle
verhouding wat Kleinboer met sy broer het, wat hier en daar
deurskemer. Op verskillende maniere skryf Kleinboer hier sy
lewe neer, ‘voor ek vergeet’”…
Christo
Lombaard
“Die skuilnaam-skrywer Kleinboer se
roman, Kontrei, is 'n bef*kte boek. Een van die
genoeglikste lese in 'n lang ruk, maar bowenal 'n boek van
paradokse: op die oog af 'n geil n**ikatalogus, maar daarágter
'n verbasend behoudende relaas. Die titel gee al so iets te
kenne: enersyds 'n tong-in-die-kies voortsetting - in 'n
nuwe sleutel - van die genre van kontreikuns; andersyds die
afbakening van 'n nuwe gebied waarin k*nt koning is, met die
hoerhuise en sjebiens van Johannesdurg, veral Yeoville en
Hillbrow, in die sentrum…
Die merkwaardige is dat die
hoofindruk nie soseer "losbandigheid" as
beheersing is nie. Beheersing allereers van taal en
vertelling; maar ook, en selfs, en dalk juis, in 'n morele
dimensie. Dit kom van 'n grondige besef van sterflikheid
(die hele vertelling begin al met 'n begrafnis), en van
menslike beperktheid. Maar dit werk deur op alle vlakke. Dis
nie régtig, soos die verteller ons wil laat glo 'n lewe
"na aan die edge" nie, maar eerder 'n
gevoel van verdwaaldheid in 'n wêreld wat - veral deur
kompulsiewe seks - saamgehou móét word, anders vlieg alles
in sy moer.”
André
Brink
Jan
Rabie/Rapportprys 2004
Tim
du Plessis, redakteur van Rapport, wens Kleinboer
