Vanmôre val ek amper van my stoel voor my rekenaar af toe ek sien dat Beeld die reg op lewe in 'n hoofartikel ondersteun. Sowaar!

Wie sou kon dink dat dié propagandablad wat gewoonlik transformasie, die stryd teen rassisme en veral die reg van die Xhosa-beheerde ANC om ons te onderdruk propageer, hom oor menselewens sou kon kwel? 

Is die idee van reg op lewe nie 'n vorm van "regse" ideologie nie? Immers word daar in revolusies heelwat mense doodgemaak en vir 'n progressiewe, linkse en revolusionêre mondstuk soos Beeld behoort die reg op lewe nie met die vooruitgang van die geskiedenis in te meng nie.

In elk geval, daar staan dit swart op wit:"...lewe is tog nog die waardevolste grondwetlik beskermde reg."

Weliswaar verteenwoordig die toevoeging van "tog nog" 'n taamlike kwalifikasie (ander regte soos teregstellende aksie, gelykheid, grondhervorming, ens. weeg darem steeds baie swaar by Beeld), maar die koerant heg waarde aan menselewens.

Logika is egter nie 'n sterk punt by Beeld nie. Want die pleidooi dat "die regering moet ingryp" om die haglike toestande in hospitale waar menselewens in gevaar gestel word ontken dat dieselfde regering juis vir sodanige toestande verantwoordelik is. Wolf is lankal reeds skaapwagter gemaak.

Minagting vir menselewens is 'n beginsel van die DSA (Demokratiese Republiek van Suid-Afrika), net soos wat dit is van die DRK en die voormalige DDR (Duitse Demokratiese Republiek) waar muurskieters oor die bevolking waggehou het.

Die sosialistiese of Afro-sosialistiese opvatting van demokrasie het min erg aan menselewens.

Ek voel egter aan my bas dat Beeld ná al dié negatiewe kommentaar op ons goddelike regering binnekort 'n lang artikel of ten minste 'n hoofartikel aan ons wonderlike grondwet gaan wy.

Die grondwet sal jou lewe beskerm. Hou maar dop, die grondwetters van Beeld brand om dit te sê.